دل خوش ہوگیا ، نجم سیٹھی‘ محسن نقوی نے بہت محنت کی ہے، مستقبل میں فائدہ ہوگا‘ ذکا اشرف

ہفتہ 8 فروری 2025 16:12

لاہور(اُردو پوائنٹ اخبارتازہ ترین - این این آئی۔ 08 فروری2025ء)سابق چیئرمین پی سی بی نجم سیٹھی اور ذکا اشرف نے قذافی اسٹیڈیم کی نئی تعمیر پر خوشی کا اظہار کر دیا۔پاکستان کرکٹ بورڈ کی جانب سے نو تعمیر شدہ قذافی اسٹیڈیم کی افتتاحی تقریب میں محسن نقوی کی جانب سے دیگر مہمانوں کے ساتھ سابق سربراہان نجم سیٹھی اور چوہدری ذکا اشرف کو خصوصی دعوت دی گئی۔

(جاری ہے)

اس موقع پر نجم سیٹھی کا کہنا تھا کہ دل خوش ہوگیا ہے، ایک سال کے اندر تبدیل کردیا۔سابق چیئرمین ذکا اشرف کا کہنا تھا کہ محسن نقوی نے بہت محنت کی ہے، جس کا مستقبل میں فائدہ ہوگا۔اس موقع پر چیئرمین پی سی بی محسن نقوی کا کہنا تھا کہ یہ ٹیم ورک کا نتیجہ ہے، چیمپئنز ٹرافی کی میزبانی میں سابق چیئرمین نجم سیٹھی اور ذکا اشرف کا بڑا کردار ہے۔