پاکستان میں کرپشن مزید بڑھ گئی، عالمی فہرست جاری

پاکستان دنیا کا 46 واں کرپٹ ترین ملک بن گیا، سی پی آئی

منگل 11 فروری 2025 18:34

پاکستان میں کرپشن مزید بڑھ گئی، عالمی فہرست جاری

اسلام آباد(اُردو پوائنٹ اخبارتازہ ترین - این این آئی۔ 11 فروری2025ء) کرپشن پرسیپشن انڈیکس (سی پی آئی)کی عالمی فہرست میں دو درجے کمی کے بعد 180ممالک میں پاکستان 135ویں نمبر پر آ گیا۔عالمی خبر رساں ادارے کے مطابق ٹرانسپرنسی انٹرنیشنل نے کرپشن پرسیپشن انڈیکس 2024(سی پی آئی)جاری کردی۔اس فہرست میں 180ممالک کی درجہ بندی میں پاکستان کا 135واں نمبر ہے جو کہ گزشتہ برس 133واں نمبر تھا۔

اس طرح موجودہ فہرست کے مطابق پاکستان دنیا کا 46واں کرپٹ ترین ملک بن گیا جب کہ گزشتہ برس 48واں ملک تھا۔

(جاری ہے)

کرپشن پرسیپشن انڈیکس میں بھی پاکستان کا اسکور 100میں سے 27ہے جو کہ گزشتہ برس 25تھا۔ڈنمارک وہ ملک ہے جہاں دنیا بھر میں سب سے کم کرپشن ہے اس کے بعد فن لینڈ اور سنگاپور کا نمبر آتا ہے۔سب سے زیادہ کرپٹ ممالک میں جنوبی سوڈان، صومالیہ اور وینرویلا سرفہرست ہیں۔پاکستان کے علاوہ جن ممالک میں کرپشن میں اضافہ ہوا ہے ان میں ایران، عراق اور روس شامل ہیں۔ٹرانسپرنسی انٹرنیشنل کے مطابق ورائٹیر آف ڈیموکریسی پروجیکٹ میں پاکستان کی تنزلی ہوئی ہے۔دوسری جانب اکنامکس انٹیلی جنس یونٹ میں بھی پاکستان کا اسکور 20سے کم ہوکر 18ہوگیا۔