کراچی،یونیورسٹی روڈ پر فائرنگ سے نوجوان قتل، شناخت نہیں ہو سکی

بدھ 12 فروری 2025 19:43

کراچی (اُردو پوائنٹ اخبارتازہ ترین - این این آئی۔ 12 فروری2025ء)یونیورسٹی روڈ سمامہ پل پر نامعلوم افراد کی فائرنگ سے 30 سالہ نوجوان جاں بحق ہوگیا ۔ پولیس کے مطابق مبینہ ٹاون کے علاقے یونیورسٹی روڈ سمامہ پل پر نامعلوم افراد کی فائرنگ سے 30 سالہ نوجوان جاں بحق ہوگیا ، مقتول کی لاش عباسی شہید سپتال منتقل کی گئی ۔

(جاری ہے)

ایس ایچ او مبینہ ٹاون سب انسپکٹر محمد نواز نے بتایا کہ مقتول کے پاس سے ایسی کوئی چیز نہیں ملی جس سے اس کی شناخت کی جا سکے۔

مقتول کی موٹرسائیکل نئی ہے جس پر لگے اسٹیکر سے اندازہ ہوتا ہے کہ وہ 25 جنوری 2025 کو خریدی گئی تھی اور اس کی تاحال رجسٹریشن بھی نہیں ہوئی تھی۔مقتول کی شناخت کا عمل جاری ہے ، جب کہ پولیس واقعے کی تحقیقات بھی کر رہی ہے ۔ مقتول کی لاش پولیس کارروائی کے بعد شناخت ورثا کے لیے سردخانے میں امانتا رکھوا دی گئی ہے۔