بلاول بھٹو زرداری کی حضرت لعل شہباز قلندر کے سالانہ عرس کے موقع پر عقیدت مندوں کو دلی مبارکباد

پیر 17 فروری 2025 16:48

کراچی(اُردو پوائنٹ اخبارتازہ ترین - این این آئی۔ 17 فروری2025ء)پاکستان پیپلز پارٹی کے چیئرمین بلاول بھٹو زرداری نے حضرت لعل شہباز قلندر کے سالانہ عرس کے موقع پر عقیدت مندوں کو دلی مبارکباد پیش کی ہے۔

(جاری ہے)

میڈیا سیل بلاول ہاس کی جانب سے جاری کردہ پریس ریلیز کے مطابق، پی پی پی چیئرمین نے کہا کہ حضرت لعل شہباز قلندر کا محبت، امن اور ہم آہنگی کا پیغام دلوں کو روشن کرتا ہے اور انسانیت کے لیئے مشعل راہ ہے۔ انہوں نے اس بات پر زور دیا کہ تصوف انتہا پسندی اور عدم رواداری کے خلاف روشنی کا مینار ہے۔ چیئرمین بلاول بھٹو زرداری نے عوام پر زور دیا کہ وہ حضرت لعل شہباز قلندر کی تعلیمات پر عمل کریں۔ انہوں نے اپنے پیغام میں پاکستان سمیت دنیا بھر میں خوشحالی اور امن کے لئے دعا کی ہے۔