مصباح الحق کے اعزاز میں پاکستان ہاؤس جدہ میں ایک خصوصی عشائیہ کا اہتمام

عشائیہ میں قونصلیٹ کے افسران اور بڑی تعداد میں کیمونٹی کی کاروباری و سماجی شخصیات نے شرکت کی

محمد علی پیر 24 فروری 2025 17:59

مصباح الحق کے اعزاز میں پاکستان ہاؤس جدہ میں ایک خصوصی عشائیہ کا ..

جدہ (رپورٹ حسن بٹ ، اُردو پوائنٹ اخبارتازہ ترین۔ 24 فروری2025ء) قونصل جنرل جدہ خالد مجید پاکستان کی جانب سے سابق کپتان اور بین الاقوامی کرکٹ کے عظیم کھلاڑی مصباح الحق کے اعزاز میں پاکستان ہاؤس جدہ میں ایک خصوصی عشائیہ کا اہتمام کیا گیا جس قونصلیٹ کے افسران اور بڑی تعداد میں کیمونٹی کی کاروباری و سماجی شخصیات نے شرکت کی۔ تقریب سے خطاب کرتے ہوئے مصباح الحق نے اپنے کرکٹ کیرئیر کے دلچسپ واقعات اور تجربات شیئر کیے۔

انہوں نے پاکستان چلڈرن ہارٹ فاؤنڈیشن کے بارے میں بھی روشنی ڈالی، جو دل میں پیدائشی طور پر سوراخ (Congenital Heart Defects) والے بچوں کے علاج کے لیے کام کرتی ہے۔ مصباح الحق نے اس فاؤنڈیشن کے ذریعے معاشرے کی خدمت کرنے کے اپنے عزم کا اظہار کیا۔

(جاری ہے)

قونصل جنرل خالد مجید نے اپنے خطاب میں مصباح الحق کو پاکستانی کرکٹ کا ایک عظیم ہیرو قرار دیتے ہوئے کہا کہ ان کی خدمات ناقابل فراموش ہیں اور وہ نوجوان نسل کے لیے ایک روشن مثال ہیں۔

انہوں نے مصباح الحق کو فاؤنڈیشن کی فلاحی خدمات پر بھی خراج تحسین پیش کیا۔ اس موقع پر جدہ کی پاکستانی کمیونٹی کے ممتاز اراکین، کھیلوں کے شوقین افراد اور دیگر معزز شخصیات بھی موجود تھیں۔ شرکاء نے مصباح الحق کے فلاحی منصوبوں اور ان کی انسان دوست خدمات پر گہری تحسین کا اظہار کیا۔