پنجاب یونیورسٹی اوریونس ایمرے انسٹیٹیوٹ کے مابین معاہدہ

منگل 25 فروری 2025 21:46

لاہور (اُردو پوائنٹ اخبارتازہ ترین - این این آئی۔ 25 فروری2025ء)پنجاب یونیورسٹی نے یونس ایمرے انسٹیٹیوٹ کے ساتھ تعلیمی روابط کے ذریعے ترکی زبان، ثقافت اور فنون کو فروغ دینے کے لیے تعاون کے پروٹوکول پر دستخط کر دیئے ۔ معاہدے کے تحت یونس ایمرے انسٹیٹیوٹ پنجاب یونیورسٹی میں ترکی زبان کے کورسز پیش کرے گا، مقامی زبان بولنے والے اساتذہ فراہم کرے گا اور ثقافتی اقدامات کی حمایت کرے گا۔

پنجاب یونیورسٹی انفراسٹرکچر اور تعلیمی شراکت داری کے ذریعے ان کوششوں میں سہولت فراہم کرے گی۔

(جاری ہے)

اس سلسلے میںپنجاب یونیورسٹی وائس چانسلر آفس کے کمیٹی روم میں مفاہمتی یاداشت پر دستخط کی تقریب منعقد ہوئی۔ وائس چانسلر پروفیسر ڈاکٹر محمد علی اور ترکی کے قونصل جنرل درمش باشتو نے ڈائریکٹر یونس ایمرے ترک کلچرل سنٹر پاکستان ڈاکٹر حلیل ٹوکر اور ٹیکااسلام آباد کی صالحہ ٹونا کے ساتھ معاہدے پر دستخط کیے۔ اس موقع پر پنجاب یونیورسٹی کے ڈین اورینٹل لرننگ پروفیسر ڈاکٹر محمد کامران، ڈائریکٹر ایکسٹرنل لنکیجز پروفیسر ڈاکٹر یامینہ سلمان، رجسٹرار ڈاکٹر احمد اسلام ودیگر نے شرکت کی۔ چار سالہ معاہدہ پاکستان اور ترکیہ کے درمیان علمی اور ثقافتی تعلقات کو مضبوط کرے گا۔