پنجاب یونیورسٹی کے زیراہتمام دو روزہ بین الاقوامی کانفرنس کاانعقاد

منگل 25 فروری 2025 21:46

لاہور (اُردو پوائنٹ اخبارتازہ ترین - این این آئی۔ 25 فروری2025ء)پنجاب یونیورسٹی کے زیر اہتمام رفاہ انٹرنیشنل یونیورسٹی کے اشتراک سے ’نفسیات، میڈیاسٹڈیز اور معاشرتی رویوں‘ پردو روزہ بین الاقوامی کانفرنس کا انعقاد کیا گیا۔ کانفرنس میں پنجاب یونیورسٹی پرووائس چانسلرپروفیسر ڈاکٹر خالد محمود، یونیورسٹی آف ٹورین اٹلی سے پروفیسر ڈاکٹر کلاؤڈیو لونگوبارڈی، ڈاکٹر جواکین وڈال، ڈاکٹر صوفیہ میسٹرو کوکو، چیئرپرسن ڈیپارٹمنٹ آف کمیونیکیشن اینڈ میڈیاریسرچ ڈاکٹر نوشینہ سلیم، چیئرپرسن شعبہ جرنلزم پروفیسرڈاکٹر حنان احمد میاں،ہیڈ آف ڈیپارٹمنٹ رفاہ انسٹیٹیوٹ آف کلینیکل اینڈ پروفیشنل سائیکالوجی ڈاکٹر عروج ارشد ،ریجنل ڈائریکٹر رفاہ یونیورسٹی محمد عمر فاروق، ڈی جی پیمراآپریشنز لاہور اکرام برکت ، فیکلٹی ممبران ، محققین ، طلبائوطالبات سمیت برطانیہ، اٹلی، امریکہ، بنگلہ دیش اور دیگر ممالک سے ماہرین نے شرکت کی۔

(جاری ہے)

دوروزہ کانفرنس میں نفسیات، میڈیا سٹڈیز اور معاشرتی رویوں پر سیر حاصل گفتگو ہوئی۔پروفیسر ڈاکٹر کلاؤڈیو لونگوبارڈی نے ’ڈیجیٹل خواندگی اور سوشل میڈیا کے اثرات‘ پرایک جامع مقالہ پیش کیا ۔ اکرام برکت اور ڈاکٹر جواکین وڈال نے میڈیا کے ذریعے پیدا ہونے والے غصے پر قابو پانے کے لیے سٹائیک فلسفے کی حکمت عملی پر روشنی ڈالی۔دوروزہ کانفرنس کے مختلف سائنٹفک سیشنزمیں مجموعی طور پر120 سے زائد تحقیقی مقالات پیش کیے گئے جس میںپروفیسرز، محققین اور سکالرز نے شرکت کی۔

کانفرنس میں راؤنڈ ٹیبل سیشنز کا انعقاد بھی ہوا جس میںسینئر صحافیوںو ماہرین تعلیم بشمول پروفیسر ڈاکٹر شفیق جالندھری، حبیب اکرم، وقار چوہدری، تنویر شہزاد، سلمان عابد، شیراز حسنات اور ڈاکٹر حسن ظفرنے اپنے خیالات کا اظہار کاکیا۔ ڈاکٹر نوشینہ سلیم کا کہنا تھا کہ کانفرنس علمی و تحقیقی میدان میں ایک نمایاں پیش رفت رہی جس نے تعلیمی اداروں، محققین اور ماہرین کے درمیان علمی تبادلے کو فروغ دیا۔کانفرنس کے اختتام پر شرکاء میں تعریفی اسناد اور شیلڈز تقسیم کی گئیں۔