ڈرامہ نگار خلیل الرحمن اغوا کیس میں آمنہ عروج سمیت دیگر کے خلاف مزید سرکاری گواہ طلب

منگل 25 فروری 2025 21:51

لاہور (اُردو پوائنٹ اخبارتازہ ترین - اے پی پی۔ 25 فروری2025ء) لاہور کی انسداد دہشت گردی کی خصوصی عدالت نے ڈرامہ نگار خلیل الرحمن کو تاوان کیلئے اغوا کرنے کے مقدمے میں نامزد آمنہ عروج سمیت دیگر ملزمان کے خلاف مزید سرکاری گواہوں کو طلب کر لیا،لاہور کی انسداد دہشتگردی عدالت کے جج ارشد جاوید نے سماعت کی،منگل کو سماعت پر آمنہ عروج اور حسن شاہ سمیت12 ملزمان کو جیل سے عدالت میں پیش کیا گیا،چار سرکاری گواہوں نے اپنے بیانات ریکارڈ کرائے،ملزموں کے وکلا نے گواہوں کے بیانات پر جرح مکمل کی،عدالت نے مقدمہ کی مزید سماعت28 فروری تک ملتوی کر دی،مقدمہ میں مجموعی طور 10 گواہوں کے بیانات ریکارڈ ہوچکے ہیں،یاد رہے کہ لاہور ہائیکورٹ نے مقدمہ کا فیصلہ ایک ماہ میں کرنے کا حکم دے رکھا ہے۔