لاہور سمیت پنجاب کے بیشتر علاقوں میں 2سے 4 مارچ کے دوران بارش کا امکان ہے ، پی ڈی ایم اے

ہفتہ 1 مارچ 2025 13:48

لاہور (اُردو پوائنٹ اخبارتازہ ترین - اے پی پی۔ 01 مارچ2025ء) لاہور سمیت پنجاب کے بیشتر علاقوں میں کل(2سے 4 مارچ )کے دوران بارشوں کا امکان ہے ۔ترجمان پی ڈی ایم اے پنجاب کے مطابق کل(2سے 4 مارچ )کے دوران صوبے کے بیشتر علاقوں لاہور ، سرگودھا ،میانوالی ،خوشاب ، منڈی بہائوالدین،شیخوپورہ ،حافظ آباد ،گوجرانوالہ، گجرات، سیالکوٹ، نارووال ،فیصل آباد ، ٹوبہ ٹیک سنگھ ،ملتان ،ڈیرہ غازی خان ،راجن پور ،بہاولپو،ر خانیوال ،لیہ، بھکر ،ساہیوال اور پاکپتن میں بارش جبکہ مری ،گلیات سمیت دیگر پہاڑی علاقوں میں بارش اور برفباری کا امکان ہے ۔

(جاری ہے)

ڈی جی پی ڈی ایم اے عرفان علی کاٹھیا نے کمشنرز و ڈپٹی کمشنر ،واسا، ریسکیو،محکمہ آبپاشی،لائیو سٹاک سمیت دیگر متعلقہ محکموں کو بھی الرٹ جاری کردیا ہے۔ انہوں نے شہریوں سے اپیل کی ہے کہ خراب موسم کی صورتحال میں غیر ضروری سفر سے گریز کریں ،پی ڈی ایم اے کنٹرول روم میں صورتحال کی مسلسل مانیٹرنگ جاری ہے۔ڈی جی عرفان علی کاٹھیا نے کہا کہ شہری ایمرجنسی صورتحال میں پی ڈی ایم اے ہیلپ لائن 1129 پر کال کریں۔