2022ء میں اتحادی حکومت کو پاکستان معاشی، سیاسی اور اخلاقی طور پر کھنڈر کی صورت میں ملا‘خواجہ آصف

منگل 4 مارچ 2025 21:56

اسلام آباد(اُردو پوائنٹ اخبارتازہ ترین - آن لائن۔ 04 مارچ2025ء)وزیر دفاع خواجہ آصف نے کہا ہے کہ 2022ء میں اتحادی حکومت کو پاکستان معاشی، سیاسی اور اخلاقی طور پر کھنڈر کی صورت میں ملا۔ جتنا نقصان تحریک انصاف نے اندرونی اور بیرونی طور پر پاکستان کے مفادات کو پہنچایا تاریخ میں اس کی مثال نہیں ملتی۔

(جاری ہے)

وفاقی کابینہ کے اجلاس میں اظہارِ خیال کرتے ہوئے خواجہ آصف نے کہا کہ پی ٹی آئی آج بھی پاکستان کے خلاف سازشوں میں مصروف ہے۔ پی ٹی آئی کی غلط پالیسیوں کی وجہ سے ختم ہونے والی دہشت گردی کے ایک مرتبہ پھر سر اٹھایا۔ خواجہ آصف نے کہا کہ ایک مرتبہ پھر ہمیں ملک سے سیاسی معاشرتی اور معاشی دہشت گردی کا خاتمہ کرنا ہے۔