ماورا حسین کا بالی ووڈ کے دو بڑے سپر اسٹارسلمان خان اوررنبیرکپورکیساتھ کام کرنے کی خواہش کا اظہار

ہفتہ 8 مارچ 2025 11:48

کراچی(اُردو پوائنٹ اخبارتازہ ترین - این این آئی۔ 08 مارچ2025ء)پاکستانی شوبز انڈسٹری کی معروف اداکارہ اور ماڈل ماورا حسین نے بالی ووڈ کے دو بڑے سپر اسٹارز کیساتھ کام کرنے کی خواہش کا اظہار کردیا۔بھارتی میڈیا کو دئیے ایک حالیہ انٹرویو میں ماورا نے خواہش ظاہر کی کہ وہ سلمان خان اور رنبیر کپور کے ساتھ کام کرنا چاہتی ہیں۔

(جاری ہے)

ماورا حسین نے اپنی 2016میں ریلیز ہونے والی فلم صنم تیری قسم کی دوبارہ کامیاب ریلیز پر خوشی کا اظہار کرتے ہوئے کہا کہ جس وقت جتنا لکھا ہوتا ہے اتنا ہی ملتا ہے۔

سلمان خان سے متعلق سوال پر ماورا حسین نے سلمان خان کی تعریفوں کے پل باندھ دیئے ۔اداکارہ نے کہا کہ وہ ان کی کئی فلمیں دیکھ چکی ہیں، خاص طور پر ہم دل دے چکے صنم ان کی پسندیدہ فلموں میں سے ایک ہے۔ماورا حسین نے کہاکہ وہ چاہتی ہیں کہ سلمان خان کبھی ریٹائر نہ ہوں اور انہیں موقع ملے تو وہ سلمان خان کے ساتھ فلم کرنا چاہیں گی۔ ساتھ ہی انہوں نے رنبیر کپور کے ساتھ ان کی فلم راک اسٹار کی طرز پر کسی فلم میں ان کے ساتھ کام کرنے کی خواہش کا اظہار کیا۔