بھارت مقامی اورسیاح خواتین کے لیے غیرمحفوظ ترین ملک بن گیا

غیر ملکی خاتون سیاح کا گینگ ریپ، بھارتی ریاست کرناٹکا میں اسرائیلی خاتون سیاح اور ان کی میزبان اجتماعی زیادتی کا شکار

منگل 11 مارچ 2025 21:12

بھارت مقامی اورسیاح خواتین کے لیے غیرمحفوظ ترین ملک بن گیا

نئی دہلی (اُردو پوائنٹ اخبارتازہ ترین - آن لائن۔ 11 مارچ2025ء)بھارت میں غیر ملکی خاتون سیاح کا گینگ ریپ، بھارتی ریاست کرناٹکا میں اسرائیلی خاتون سیاح اور ان کی میزبان اجتماعی زیادتی کا شکار، حملہ آورں کی جانب سے غیر ملکی سیاح کے ساتھ آنے والے مرد کو بھی قتل کر دیا گیا، مودی کا بھارت مقامی اور سیاح خواتین کے لیے غیر محفوظ ترین ملک بن گیا۔

(جاری ہے)

مودی کے بھارت میں ہر 16 منٹ میں ایک عورت ریپ جیسے گھناو?نے جرم کا شکار بنتی ہے، بھارت مقامی اور سیاح خواتین کے لیے غیر محفوظ ترین ملک بن گیا، خواتین کے عالمی دن پر بھی بھارت میں ظلم و زیادتی نہ تھم سکی، مودی کے بھارت میں خواتین کے گینگ ریپ کا ایک اور واقعہ منظر عام پر آگیا، بھارتی میڈیا رپورٹس کے مطابق بھارتی ریاست کرناٹکا میں اسرائیلی خاتون سیاح اور ان کی میزبان اجتماعی زیادتی کا شکار ہوگئی، حملہ آورں کی جانب سے غیر ملکی سیاح کے ساتھ آنے والے مرد کو بھی قتل کر دیا گیا، خواتین کا جنسی استحصال کرنے سے قبل ملزمان نے وہاں موجود دیگر سیاحوں کو گہری نہر میں دھکیل دیا، زیادتی کا شکار غیر ملکی سیاح نے بتایا کہ حملہ آوروں نے ان سمیت دوسری خاتون کو بھی مارا پیٹا اور جنسی زیادتی کا نشانہ بنایا، حملہ آوروں نے غیر ملکی سیاحوں سے پیسوں کا مطالبہ کیا جس کے انکار پر ان کو زیادتی کا نشانہ بنایا گیا، بھارتی پولیس کے مطابق ملزمان نے مجموعی طور پر 5 افراد پر حملہ کیا جن میں سے ایک اسرائیلی اور ایک امریکی شہری ہے، زیادتی کے اس ہولناک واقعے نے عالمی سطح پر بھارت میں خواتین کی آزادی پر سوالیہ نشان اٹھا دیا ہے، اس سے قبل بھی بھارت میں غیر ملکی سیاح خواتین جنسی زیادتی کا شکار ہو چکی ہیں ، بھارت میں بڑھتے ہوئے ریپ اور زیادتی جیسے واقعات اس کی اخلاقی پستی کو عیاں کرتے ہیں۔