میاں چنوں، کراچی سے آنیوالی لڑکی کو بوائے فرینڈ نے قتل کیا، پولیس نے معمہ حل کرلیا

ملزم شاہد محمود اور15سالہ میمونہ کی سوشل میڈیا کے ذریعے دوستی ہوئی، ملزم نے حاملہ ہونے پر قتل کیا، پولیس

جمعرات 13 مارچ 2025 20:45

میاں چنوں، کراچی سے آنیوالی لڑکی کو بوائے فرینڈ نے قتل کیا، پولیس ..

کراچی (اُردو پوائنٹ اخبارتازہ ترین - این این آئی۔ 13 مارچ2025ء) کراچی پولیس نے 2روز قبل نواحی گائوں کے قریب کھیتوں سے ملنے والی جوانسال لڑکی کی لاش کا معمہ حل کر کے قتل کے الزام میں لڑکی کا بوائے فرینڈ گرفتار کرلیا ۔ پولیس کے مطابق 11مارچ کو 126پندرہ ایل کے کھیتوں سے لڑکی کی لاش ملی جس کی ابتدائی طورپرشناخت نہ ہوسکی تھی، بعدازاں پولیس نے تکنیکی بنیادوں پرتحقیقات کرتے ہوئے ملزم شاہد کو بہاولنگرسے گرفتار کیا جس نے لڑکی کو قتل کرنے کا اعتراف کرلیا۔

(جاری ہے)

پولیس کے مطابق مقتولہ میمونہ ملزم شاہد کی دوست تھی اور اس کی عمر 15سال تھی، ملزم شاہد محمود اورمقتولہ میمونہ کی سوشل میڈیا کے ذریعے دوستی ہوئی تھی جس کے بعد میمونہ کراچی سے گھر چھوڑ کر میاں چنوں آگئی تھی اور دو ماہ سے ملزم کے ساتھ رہ رہی تھی،اس دوران میمونہ حاملہ ہوگئی تو ملزم نے اس کیساتھ شادی سے انکارکردیا اورکھیتوں میں لے جاکرگلا دبا کر اسے مار ڈالا۔ پولیس کے مطابق ملزم شاہد محمود نے لڑکی سے دوستی اوراس کے قتل کا اعتراف کرلیا ہے۔