دہشتگردوں سے لڑنا ہم سب کا فرض ہے،پی ٹی آئیساتھ کھڑی ہوگی، علی محمدخان

ہمارے دورمیں کوئی دہشتگرد واپس نہیں لائے گئے،کسی جوڈیشل کمیشن کے تحت ہی تحقیقات کرالیں،پی ٹی آئی رہنما

جمعہ 14 مارچ 2025 22:35

اسلام آباد(اُردو پوائنٹ اخبارتازہ ترین - این این آئی۔ 14 مارچ2025ء)پی ٹی آئی رہنما علی محمدخان نے کہا ہے کہ آپریشن کرناہے توصوبائی قیادت اورمقامی لوگوں سے بات کرناہوگی، دہشتگردوں سے لڑنا ہم سب کا فرض ہے،پی ٹی آئی ساتھ کھڑی ہوگی،ہمارے دورمیں کوئی دہشتگرد واپس نہیں لائے گئے،کسی جوڈیشل کمیشن کے تحت ہی تحقیقات کرالیں۔ایک انٹرویو میں علی محمدخان نے کہاکہ دنیاکاکوئی قانون اس طرح کی دہشتگردی کی اجازت نہیں دیتا،دہشتگردی کے معاملے پرپی ٹی آئی ساتھ کھڑی ہوگی۔

پی ٹی آئی رہنمانے کہاکہ دہشتگردوں سے لڑنا ہم سب کا فرض ہے،آپریشن کرناہے توصوبائی قیادت اورمقامی لوگوں سے بات کرنا ہوگی،جب تک قوم پیچھے کھڑی نہ ہو،کوئی آپریشن کامیاب نہیں ہوسکتا۔انہوںنے کہاکہ وزیراعظم نے جعفر ایکسپریس پرقومی اسمبلی کوبریف نہیں کیا،وزیرداخلہ کاکچھ پتہ نہیں کہ کہاں ہیں وزیردفاع نے تنقیدکی۔

(جاری ہے)

پی ٹی آئی رہنمانے کہاکہ بلوچستان کے مسئلے کاحل فوجی اورسیاسی نہیں ہے ہم نے دشمن سے لڑناہے،اپنے لوگوں سے بات کرنی ہے، بانی پی ٹی آئی کورہاکرناہوگا،وہ پوری قوم کواکٹھا کر سکتے ہیں، سیاسی قیادت کاکام ہر مسئلے کا حل تلاش کرنا ہوتا ہے، ہر جگہ عسکری قیادت کولائیں گے توآپ کیوں بیٹھے ہوئے ہیں ۔

علی محمدخان نے کہاکہ یہ نہیں کہہ رہے کہ بانی پی ٹی آئی کورہاکریں گے توہم سپورٹ کریں گے،ہم کہہ رہے ہیں سیاسی قیادت کوایک پیج پرلانے کیلئے بانی سمیت سب سے بات کرناہوگی۔پی ٹی آئی رہنمانے کہاکہ اس وقت کی فوجی قیادت نے تجویز دی تھی طالبان کوواپس لایا جائے، پی ٹی آئی قیادت نے طالبان کوواپس لانے پرخدشات کااظہار کیا تھابانی پی ٹی آئی ن یطالبان کوواپس لانے کی منظوری نہیں دی تھی۔

انہوںنے کہاکہ ہماری حکومت ختم ہوئی،اس کے بعدشہبازشریف وزیراعظم بنے،شہبازشریف سے پوچھا جائے ان کے دورمیں طالبان واپس کیوں آئی طالبان واپس آئے توشہبازشریف نے جنرل باجوہ کیخلاف کیاکارروائی کی40ہزاردہشتگرد شہبازشریف کے دورمیں واپس آئے،راناثناء اللہ نے اس چیزکواون کیاتھا،جنرل باجوہ کی تجویزآئی تھی، شہباز شریف وزیراعظم تھے۔پی ٹی آئی رہنمانے کہاکہ ہمارے دورمیں کوئی دہشتگرد واپس نہیں لائے گئے،کسی جوڈیشل کمیشن کے تحت ہی تحقیقات کرالیں،انوارالحق کاکڑنگران وزیراعظم بنے تو ان کے دورمیں تمام معاملات ہوئے،سوال اس وقت کی عسکری قیادت،شہبازشریف،نگران وزیراعظم سے کیاجائے۔