Live Updates

پی ٹی آئی کا نعرہ عمران خان ہے تو پاکستان ہے یہ گمراہی پر مبنی سوچ ہے

یہ سمجھتے بانی کے بغیر ملک آگے نہیں بڑھ سکتا، پی ٹی آئی مذاکراتی ٹیبل پر نہیں بیٹھتی تو ٹکریں مارتی رہے گی، یہ اپنی لائن لینتھ ٹھیک کریں، مسلح افواج اور عوام میں اتنی طاقت ہے کہ دہشتگردی کو ختم کردیں گے۔ مشیر رانا ثناء اللہ

ثنااللہ ناگرہ پیر 17 مارچ 2025 23:49

پی ٹی آئی کا نعرہ عمران خان ہے تو پاکستان ہے یہ گمراہی پر مبنی سوچ ہے

اسلام آباد ( اردوپوائنٹ اخبار تازہ ترین۔ آئی پی اے ۔ 17مارچ 2025ء ) وفاقی مشیر سیاسی امور رانا ثناء اللہ نے کہا ہے کہ پی ٹی آئی کا نعرہ عمران خان ہے تو پاکستان ہے یہ گمراہی پر مبنی سوچ ہے، یہ سمجھتے بانی کے بغیر ملک آگے نہیں بڑھ سکتا، پی ٹی آئی مذاکرات کی ٹیبل پر نہیں بیٹھتی تو ٹکریں مارتی رہے گی،پی ٹی آئی اپنی لائن اور لینتھ ٹھیک کرے،مسلح افواج اور عوام میں اتنی طاقت ہے کہ دہشتگردی کو ختم کردیں گے۔

انہوں نے جیونیوز کے پروگرام میں گفتگو کرتے ہوئے کہا کہ دہشتگردی کو ختم کرنے کیلئے میاں نوازشریف کے ذمے جو بھی کردار ہوگا وہ ادا کریں گے، نوازشریف کی جماعت کی وفاق اور صوبے میں حکومت ہے، کل کے ان کیمرہ پارلیمانی کمیٹی کے اجلاس میں عسکری قیادت موجودہ سکیورٹی صورتحال میں اسٹریٹجی پر بریفنگ دی جائے گی، جس طرح دہشتگردی کے واقعات کا سامنا کیا جارہا ہے، کس طرح دہشتگردی کا خاتمہ کریں گے، اس حوالے سیاسی قیادت کو اعتماد میں لیں گے، سیاسی قائدین کی طرف سے بھی اظہارخیال ہوگا۔

(جاری ہے)

اس میٹنگ کا بنیادی مقصد یہ ہے۔سیاسی جماعتوں میں سیاسی تلخی ہوتی رہتی ہے،نوازشریف اور ہمارے دلوں میں مولانا کا بے حد احترام ہے، کل کے اجلاس میں اگرمیاں نوازشریف کے کردار سے متعلق کوئی چیز سامنے آتی ہے تو یقینا وہ حاضر ہوں گے۔ مولانا کی اپنی سوچ اور سیاسی نقطہ نظر ہے، وہ 2018 کے الیکشن کے بعد بھی سسٹم سے باہر رہنا چاہتے تھے، ہم مولانا کے نقطہ نظر کی قدر کرتے ہیں۔

انہوں نے کہا کہ پی ٹی آئی کی خام خیالی ہے کہ صفر جمع صفر صفر ہوتی ہے، ان کو ادراک ہونا چاہئے، جتنا دیر سے سمجھیں گے اپنا نقصان کریں گے۔پی ٹی آئی کا نعرہ عمران خان ہے تو پاکستان ہے یہ گمراہی پر مبنی سوچ ہے، کیونکہ اگر پاکستان ہے تو ہم سب ہیں، سب سے پہلے پاکستان کی خیرمانگنی چاہئے۔ پی ٹی آئی جب تک سیاستدانوں اور سیاسی قیادت کے ساتھ نہیں بیٹھے گی، تو پھر ٹکریں لگاتی رہے۔

گنڈاپور کہتے کہ ریاست کی توانائیاں پی ٹی آئی کے خلاف خرچ ہورہی ہیں تو پھر پی ٹی آئی کا توانائیاں کہاں خرچ ہورہی ہیں؟ان کی تمام ترتوانائیاں ، پروپیگنڈا پاکستان کے خلاف ہے، جعفر ایکسپریس حملے کے بعد انڈین میڈیا کے ردعمل کو کون پھیلا رہا تھا؟پی ٹی آئی کو چاہئے اپنی لائن اور لینتھ ٹھیک کرے۔ہماری مسلح افواج ، ایجنسیز اور عوام میں اتنی طاقت ہے کہ پی ٹی آئی مذاکرات کی ٹیبل پر نہیں بیٹھتی تو ٹکریں مارتی رہے گی۔