جو کوئی اسرائیل کے خلاف دہشت گردی کرے گا ، وہ بھاری قیمت چکائے گا، وائٹ ہائوس

منگل 18 مارچ 2025 17:38

واشنگٹن (اُردو پوائنٹ اخبارتازہ ترین - این این آئی۔ 18 مارچ2025ء)وائٹ ہائوس کی پریس سکریٹری کیرولین لیوٹ نے کہا ہے اسرائیل نے منگل کے روز غزہ پر اپنے حملوں کے حوالے سے امریکی صدر ڈونلڈ ٹرمپ کی انتظامیہ کے ساتھ مشاورت کی تھی۔ امریکی انتظامیہ کو غزہ کی پٹی پر اسرائیل کے وسیع حملے کا پیشگی علم تھا۔

(جاری ہے)

امریکی ٹی وی کو ایک انٹرویو میں کیرولین نے امریکی صدر کے سابقہ بیان کا حوالہ دیا جس میں ٹرمپ نے کہا تھا کہ حماس ، حوثی ، ایران اور جو کوئی بھی نہ صرف اسرائیل بلکہ امریکا کو دہشت گردی کا نشانہ بنانے کی کوشش کرے گا، اسے بھاری قیمت چکانا ہو گی اور اس پر جہنم کے دروازے کھول دیے جائیں گے۔

ٹرمپ اسی سے ملتے جلتے الفاظ کے ساتھ علانیہ انتباہ جاری کر چکے ہیں۔ ان کا کہنا تھا کہ حماس پر تمام قیدیوں کو رہا کرنا لازم ہے ، بصورت دیگر اس پر جہنم کے دروازے کھول دیے جائیں گے۔