کاروباری ہفتے کے تیسرے روز بھی سونا مزید مہنگا، نئی قیمت 3 لاکھ 19 ہزار روپے کی سطح پر پہنچ گئی

آج فی تولہ سونے کی قیمت میں 1650 روپے کا اضافہ ہوا، تین روز میں سونے کی قیمت میں 5300 روپے کا اضافہ ریکارڈ کیا گیا

ثنااللہ ناگرہ بدھ 19 مارچ 2025 20:33

کاروباری ہفتے کے تیسرے روز بھی سونا مزید مہنگا، نئی قیمت 3 لاکھ 19 ہزار ..

کراچی ( اردوپوائنٹ اخبار تازہ ترین۔ آئی پی اے ۔ 19 مارچ 2025ء ) عالمی مارکیٹ میں سونے کی قیمتوں میں اتار چڑھاؤ کا سلسلہ جاری ہے، عالمی منڈی میں سونے کے نرخ بڑھنے پر پاکستان میں بھی قیمتوں میں نمایاں اضافہ ہوگیا ہے۔ میڈیا رپورٹ کے مطابق عالمی مارکیٹ میں سونے کی قیمتوں میں اضافہ ہونے کے باعث پاکستان میں بھی سونے کی قیمت بڑھ گئی ہے۔ فی تولہ سونے کی نئی قیمت بلند ترین سطح پرپہنچ گئی ہے۔

تین روز میں سونے کی قیمت میں 5300 روپے کا اضافہ ریکارڈ کیا گیا، جبکہ آج ملک میں فی تولہ سونے کی قیمت میں ایک ہزار 650 روپے کا اضافہ ہوگیا ہے۔ فی تولہ سونے کی قیمت بڑھنے کے بعد مقامی صرافہ بازاروں میں نئی قیمت 3 لاکھ 19 ہزار روپے ہوگئی ہے۔ اسی طرح دس گرام سونے کی قیمت بھی بڑھ گئی ہے۔

(جاری ہے)

10 گرام سونے کی قیمت میں ایک ہزار415 روپے کا اضافہ ہوا ہے۔

نئی قیمت 2لاکھ 73 ہزار491 روپے کی سطح پر پہنچ گئی ہے۔ دوسری جانب پاکستان کی انٹربینک مارکیٹ میں امریکی ڈالر کے مقابلے میں پاکستانی روپے کی قدر میں اضافہ ریکارڈ کیا گیا ہے۔ سٹیٹ بینک آف پاکستان کے مطابق بدھ کو انٹربینک مارکیٹ میں امریکی ڈالر کے مقابلے میں پاکستانی روپے کی قدر میں 06 پیسے کا اضافہ ریکارڈ کیا گیا ہے جس کے بعد اس کی نئی قیمت 280 روپے 20 پیسے ہو گئی ہے۔

انٹربینک مارکیٹ میں سعودی ریال کی قدر 74 روپے 70 پیسے جبکہ بحرینی دینار کی قدر 743 روپے 27 پیسے رہی۔اسی طرح عمانی ریال کی انٹربینک مارکیٹ میں قدر 727 روپے 87 پیسے رہی، کویتی دینار کی قدر 909 روپے 88 پیسے اور قطری ریال کی قدر 76 روپے 86 پیسے ریکارڈ کی گئی۔ دوسری جانب اوپن مارکیٹ میں امریکی ڈالر کی قیمت خرید 280 روپے 60 پیسث اور قیمت فروخت 282 روپے 10 پیسے ریکارڈ کی گئی۔