میانوالی میں فائرنگ سے 02 بھائیوں کی ہلاکت ، آئی جی پنجاب کا نوٹس

جمعرات 20 مارچ 2025 19:55

لاہور (اُردو پوائنٹ اخبارتازہ ترین - این این آئی۔ 20 مارچ2025ء)انسپکٹر جنرل پولیس پنجاب ڈاکٹر عثمان انور نے میانوالی میں فائرنگ سے 02 بھائیوں کے جاں بحق ہونے کے معاملے کا نوٹس لیتے ہوئے آر پی او سرگودھا سے رپورٹ طلب کر لی ہے ۔آئی جی پنجاب نے ڈی پی او میانوالی کو فائرنگ میں ملوث ملزمان کی فوری گرفتاری کا حکم دیتے ہوئے کہا کہ ملزمان کی گرفتاری کیلئے تمام وسائل بروئے کار لائیں اور لواحقین کو انصاف کی فراہمی ترجیحی بنیادوں پر یقینی بنائی جائے۔