وزیرِاعلیٰ پنجاب مریم نوازشریف نے مسجدِ نبویؐ سے ویڈیو جاری کر دِی

جمعہ 21 مارچ 2025 17:07

مدینہ منورة (اُردو پوائنٹ اخبارتازہ ترین - این این آئی۔ 21 مارچ2025ء)وزیرِ اعلیٰ پنجاب مریم نواز شریف نے مسجد نبوی ؐ سے اپنے خاندان کے بچوں کے ہمراہ ویڈیو جاری کر دی۔تفصیلات کے مطابق وزیرِ اعظم شہباز شریف اعلیٰ سطح کے وفد کے ہمراہ سعودی عرب کے دورے پر موجود ہیں۔وفد میں نائب وزیرِ اعظم اسحاق ڈار، وفاقی وزراء اور سینئر حکام سمیت وزیرِ اعلیٰ مریم پنجاب مریم نواز بھی شامل ہیں۔

دیگر افراد میں وزیرِ اعلیٰ مریم نواز کی بیٹی، وزیرِ اعظم کے صاحبزادے، سابق وزیرِ اعلیٰ پنجاب حمزہ شہباز شریف، سلمان شہباز شریف خواتین و بچے شامل ہیں۔مریم نواز شریف نے اپنے سوشل میڈیا اکاؤنٹ انسٹاگرام پر چند گھنٹے قبل ایک ویڈیو شیئر کی ہے جس میں انہیں مسجدِ نبوی ؐ میں اپنے خاندان کے بچوں کے ہمراہ بیٹھے دیکھا جا سکتا ہے۔

(جاری ہے)

ویڈیو میں غالباً مریم نواز ننھے بچوں کی اصلاح کی غرض سے انہیں تعلیم دے رہی ہیں۔

دوسری جانب وزیرِ اعظم شہباز شریف کے انسٹاگرام پیج پر بھی ان کی روضہ رسول ؐ پر حاضری دیتے ہوئے ویڈیو شیئر کی گئی ہے۔ویڈیو میں بتایا گیا ہے کہ وزیرِ اعظم شہباز شریف نے دورہ? سعودی عرب کے دوران مسجدِ نبوی ؐ میں حاضری دی، وفد کے ہمراہ روضہ رسول ؐ کی زیارت کی سعادت حاصل کی اور ریاض الجنة میں نوافل ادا کیے۔اس موقع پر وزیرِ اعظم شہباز شریف نے امتِ مسلمہ میں اتحاد و یگانگت اور پاکستان کی ترقی و خوش حالی کے لیے دعا مانگی۔