اسلام آباد، راولپنڈی میں 22اور 23مارچ کو بڑی گاڑیوں کا داخلہ بند

جمعہ 21 مارچ 2025 21:50

اسلام آباد (اُردو پوائنٹ اخبارتازہ ترین - این این آئی۔ 21 مارچ2025ء)اسلام آباد، راولپنڈی میں 22اور 23مارچ کو بڑی گاڑیوں کا داخلہ بند ہوگا۔جاری بیان میں ترجمان نیشنل ہائی ویز اینڈ موٹروے پولیس نے بتایا ہے کہ اسلام آباد، راولپنڈی میں 22اور 23مارچ کو بڑی گاڑیوں کا داخلہ بند ہوگا، بڑی گاڑیوں کا داخلہ 22مارچ دوپہر 12سے 23 مارچ سہ پہر 3بجے تک بند ہوگا۔

(جاری ہے)

پشاور سے براستہ جی ٹی روڈ آنے والی بڑی گاڑیوں کو مارگلہ اور ٹیکسلا پر روک دیا جائے گا، پشاور سے براستہ موٹروے پر آنے والی بڑی گاڑیوں کو برہان انٹرچینج پر روک دیا جائے گا۔ لاہور سے براستہ موٹر وے آنے والی بڑی گاڑیاں چکری انٹرچینج پر روک دی جائیں گی، لاہور سے براستہ جی ٹی روڈ آنے والی بڑی گاڑیوں کو مندرا ٹول پلازہ پر روک دیا جائے گا۔ترجمان موٹروے نے بتایا ہے کہ کشمیر اور مری سے آنے والی بڑی گاڑیاں17میل ٹال پلازہ سی20کلو میٹر پہلے روک دی جائیں گی۔