وزیراعلی مریم نواز کا صوبہ بھر کے سپیشل ایجوکیشن اداروں میں طلبہ کو عید گفٹ فراہمی کاآغاز،عید تعطیلات سے قبل 40ہزار بچوں کو عید گفٹ پیش کرنے کا ہدف پورا کیا جائے گا

ہفتہ 22 مارچ 2025 21:06

لاہور (اُردو پوائنٹ اخبارتازہ ترین - اے پی پی۔ 22 مارچ2025ء) وزیراعلی پنجاب مریم نواز کی طرف سے صوبہ بھر کے سپیشل ایجوکیشن اداروں میں سپیشل طلبہ کو عید گفٹ فراہمی کاآغازکردیاگیا،عید تعطیلات سے قبل 40ہزار بچوں کو عید گفٹ پیش کرنے کا ہدف پورا کیا جائے گا۔معاون خصوصی ثانیہ عاشق نے لاہورمیں 3سپیشل ایجوکیشن اداروں میں خود جا کر وزیراعلی مریم نواز کی طرف سے سپیشل طلبہ کو عید گفٹ پیش کئے،پنجاب بھر کے تمام اضلاع میں بھی سپیشل طلبہ کو عید گفٹ پیش کرنے کاآغاز کردیاگیاہے۔

ثانیہ عاشق نے گورنمنٹ ڈگری کالج برائے سپیشل ایجوکیشن جوہرٹائون میں خود جا کر وزیراعلی مریم نواز عیدگفٹ مہم کا آغاز کیا،معاون خصوصی نے گورنمنٹ شاداب انسٹیٹیوٹ آف سپیشل ایجوکیشن علامہ اقبال ٹائون اورگورنمنٹ ڈگری کالج برائے سپیشل ایجوکیشن نشتر ٹائون میں بھی سپیشل طلبہ کو عید گفٹ پیش کئے۔

(جاری ہے)

ثانیہ عاشق نے ہر کلاس روم میں جا کر بچوں کو وزیراعلی مریم نواز کی طرف سے عید گفٹ و کارڈ پیش کئے اوراظہار شفقت کیا۔

معاون خصوصی نے سپیشل بچو ں کو وزیراعلی مریم نواز کی طرف سے عید مبارک کا تحریری پیغام بھی پڑھ کر سنایا،وزیراعلی کی طرف سے عید گفٹ ملنے پر سپیشل طلبہ نے اظہار مسرت کیا اور اپنے پیارے معصومانہ انداز میں مریم نواز کا شکریہ ادا کیا۔اس موقع پر ثانیہ عاشق نے سپیشل ایجوکیشن کالج کے لان میں پودا بھی لگایا۔وزیراعلی نے کہاکہ سپیشل بچوں کو عید گفٹ دے کر خوشیوں میں شریک کرنا چاہتے ہیں،سپیشل بچوں کو خوش دیکھنا بہت بڑی خوشی ہے۔ وزیراعلی نے کہاکہ سپیشل بچوں کے لئے پنجاب بھر میں نئے اور منفرد پراجیکٹ لارہے ہیں۔