وزیراعلیٰ مریم نواز میری اپنی بیٹیوں کی طرح ہیں، میں ان کا انتظار کر رہا ہوں‘ کمال پاشا

فلم انڈسٹری کے معروف مصنف محمد کمال پاشا شدید علالت کے باعث سروسز ہسپتال میں زیر علاج

اتوار 23 مارچ 2025 16:20

لاہور(اُردو پوائنٹ اخبارتازہ ترین - این این آئی۔ 23 مارچ2025ء)پاکستان فلم انڈسٹری کے معروف مصنف محمد کمال پاشا کوشدید علالت کے باعث سروسز ہسپتال لاہور میں داخل کرادیا گیاجہاں ان کا انتہائی نگہداشت کی وارڈ میں علاج جاری ہے۔

(جاری ہے)

کمال پاشا نے اپنے بیان میں کہا کہ وزیراعلیٰ پنجاب مریم نواز میری اپنی بیٹیوں کی طرح ہیں، میں ان کا انتظار کر رہا ہوں۔ذرائع کے مطابق وزیر صحت خواجہ سلمان رفیق کے نوٹس کے بعد ان کا علاج شروع کر دیا گیاہے ، ان کے بیٹے عبداللہ پاشا نے والد کی صحتیابی کے لیے احباب سے دعا ئوکی اپیل کی ہے۔کمال پاشا کا شمار پاکستانی فلم انڈسٹری کے کامیاب ترین مصنفین میں ہوتا ہے۔ انہوں نے 250 سے زائد فلموں کے اسکرپٹ تحریر کیے جن میں کئی سپرہٹ ثابت ہوئیں۔