ملک کے بیشتر علاقوں میں موسم خشک اور با لا ئی علاقوں میں مطلع جزوی ابرآلود رہنے کی توقع ہے ، محکمہ موسمیات

پیر 24 مارچ 2025 23:00

اسلام آباد (اُردو پوائنٹ اخبارتازہ ترین - اے پی پی۔ 24 مارچ2025ء) آئندہ 24 گھنٹوں کے دوران ملک کے بیشتر علاقوں میں موسم خشک جبکہ با لا ئی علاقوں میں مطلع جزوی ابرآلود رہنے کی توقع ہے تاہم گلگت بلتستان اوربالائی خیبرپختونخوا میں چند مقامات پر تیز ہوائوں/آندھی اور گرج چمک کے ساتھ بارش کا امکان ہے۔

(جاری ہے)

محکمہ موسمیات کے مطابق کل منگل کو خیبرپختونخوا، گلگت بلتستان ،شمال مشر قی بلو چستان، خطہ پوٹھوہاراور کشمیر میں چند مقامات پر تیز ہوائوں /آندھی اور گرج چمک کے ساتھ بارش کی توقع ہے جبکہ ملک کے دیگر علاقوں میں موسم خشک جبکہ میدانی علاقوں میں دن کے اوقات میں گرم رہنے کا امکان ہے۔

گذشتہ 24 گھنٹوں کے دوران ملک کے بیشتر علاقوں میں مو سم خشک جبکہ میدانی علاقوں میں گرم رہا۔پیر کو ریکارڈکئے گئے زیادہ سےزیادہ درجہ حرارت : مٹھی 42، شہید بینظیر آباد 41، چھور اور دادومیں 40 ڈگری سینٹی گریڈ ریکارڈ کیا گیا ۔