آئی جی موٹروےپولیس رفعت مختار راجہ کی ریجنل آفس اسلام آباد میں ٹرانسپورٹرز سے ملاقات

بدھ 26 مارچ 2025 08:50

اسلام آباد (اُردو پوائنٹ اخبارتازہ ترین - اے پی پی۔ 26 مارچ2025ء) آئی جی موٹروےپولیس رفعت مختار راجہ نے ریجنل آفس اسلام آباد میں ٹرانسپورٹرز سے ملاقات کی۔بدھ کو ترجمان موٹروے پولیس کے مطابق رمضان المبارک کے آخری ایام میں ٹرانسپوٹرز مسافروں کے ساتھ تعاون کریں،اوور لوڈنگ اور زائد کرایہ ہر گز قابل قبول نہیں ہے۔

(جاری ہے)

رفعت مختار راجہ آئی جی موٹروے پولیس نے کہا کہ موٹروے پولیس مسافروں کے محفوظ سفر کے لیے ہر ممکن اقدامات اٹھا رہی ہے۔

آر ایف آئی ڈی نظام کے تحت پبلک سروس سپیڈ کنٹرول مانٹیرنگ نظام بنایا جائے گا۔آئی جی موٹروےپولیس نے کہا کہ کلر کہار سالٹ رینج خود کار نظام کے تحت گاڑیوں کی سپیڈ مانٹیر ہوگی،ٹرانسپورٹرز کے ساتھ ملکر مسافروں کی سلامتی کو یقینی بنا رہی ہے۔انہوں نے کہا کہ ٹرانسپورٹرز کے مسائل کو حل کرنے کے لیے موٹروےپولیس بھرپور تعاون کرے گی۔