الیکشن کمشنر شہید بینظیرآباد کی جانب سے انتخابی عمل میں نوجوانوں کی شمولیت بارے آگاہی سیمینار کا انعقاد،سٹاف و طلبہ نے شرکت کی

بدھ 26 مارچ 2025 15:09

حیدرآباد (اُردو پوائنٹ اخبارتازہ ترین - اے پی پی۔ 26 مارچ2025ء) الیکشن کمشنر آفس شہید بینظیرآباد کی جانب سے انتخابی عمل میں نوجوانوں کی شمولیت کے حوالے سے آگاہی سیمینار گورنمنٹ ڈگری کالج قاضی احمد میں منعقد ہوا۔

(جاری ہے)

سیمینار سے خطاب کرتے ہوئے ڈسٹرکٹ الیکشن کمشنر محمد یوسف مجیدانو نے کہا کہ الیکشن کمیشن پاکستان کی خصوصی ہدایات پر نوجوان نسل کو ووٹ کے اندراج اور انتخابی عمل کے متعلق آگاہی فراہم کرنے کے لیے ضلعےکے مختلف تعلیمی اداروں میں آگاہی سیمینار منعقد کئے جارہے ہیں جن کا مقصد نوجوان نسل کو اپنے ووٹ کی اہمیت کے متعلق آگاہی فراہم کرنا ہے ۔

انہوں نے نوجوانوں سے اپیل کی کہ وہ اپنے علاقے کے عوام کو ووٹ کی رجسٹریشن اور اہمیت کے متعلق آگاہی فراہم کرنے کے لیے الیکشن کمیشن کا ساتھ دیں تاکہ زیادہ سے زیادہ ووٹ کی رجسٹریشن کو یقینی بنایا جاسکے۔ سیمینار سے کالج کے پرنسپل اصغر علی مجیدانو، اسسٹنٹ پروفیسر سردار علی اور دیگر نے بھی خطاب کیا ۔سیمینار میں مسرور میمن کالج کے اساتذہ، طلبا و طالبات نے بڑی تعداد میں شرکت کی۔