مریم نواز کا ڈیرہ غازی خان کی تحصیل تونسہ میں ایڈزکے سدباب کیلئے آپریشنل پلان طلب

وزیراعلیٰ پنجاب کی ہدایت یونیسیف، ڈبلیو ایچ او اور محکمہ ہیلتھ پنجاب کا جوائنٹ مشن قائم ،ایڈز کیلئے بنایا گیا جوائنٹ مشن متاثرہ بچوں کی ہسٹری ٹریسنگ کرے گا

فیصل علوی جمعہ 28 مارچ 2025 10:56

مریم نواز کا ڈیرہ غازی خان کی تحصیل تونسہ میں ایڈزکے سدباب کیلئے آپریشنل ..

لاہور(اردوپوائنٹ اخبار تازہ ترین۔28 مارچ 2025)وزیراعلیٰ پنجاب مریم نوازشریف نے ڈیرہ غازی خان کی تحصیل تونسہ میں ایڈزکے سدباب کیلئے آپریشنل پلان طلب کرلیا،وزیراعلیٰ کی ہدایت پر یونیسیف، ڈبلیو ایچ او اور محکمہ ہیلتھ پنجاب کا جوائنٹ مشن قائم ،ایڈز کیلئے بنایا گیا جوائنٹ مشن متاثرہ بچوں کی ہسٹری ٹریسنگ کرے گا،وزیراعلیٰ پنجاب مریم نواز شریف کی زیر صدارت خصوصی اجلاس ہوا جس میں تحصیل تونسہ کے علاقے میں مبینہ طور پر ایڈز پھیلنے کے اسباب کا جائزہ لیا گیا۔

وزیر اعلیٰ پنجاب نے تحصیل تونسہ میں ایڈز کے سدباب کیلئے فوری طور پر آپریشنل پلان طلب کرلیا ہے۔ مریم نواز کی ہدایت پر یونیسف، ڈبلیو ایچ او اور محکمہ ہیلتھ پنجاب کا جوائنٹ مشن بھی قائم کیا گیا۔وزیراعلیٰ پنجاب کی ہدایت پر یونیسیف، ڈبلیو ایچ او اور محکمہ ہیلتھ پنجاب کا جوائنٹ مشن قائم کر دیا گیا جو ایڈز کے سدباب کیلئے 7 تا 14 اپریل متاثرہ بچوں کی ہسٹری ٹریسنگ کرے گا۔

(جاری ہے)

جوائنٹ مشن ایڈز کنٹرول اور بچاو¿ کیلئے وزیراعلیٰ پنجاب مریم نواز کو تجاویز پیش کرے گا۔ مریم نواز کی ہدایت پر متاثرہ علاقوں میں ہاو¿س ہولڈ سکریننگ بھی کی جائے گی۔تونسہ تحصیل ہیڈ کوارٹر اسپتال اور دیگر طبی مراکز میں ایڈز کے علاج کیلئے خصوصی مراکز قائم ہونگے۔ وزیر اعلیٰ پنجاب نے ایڈز سے متاثرہ بچوں کے مفت علاج کی ہدایت کر دی۔وزیراعلیٰ پنجاب نے ایڈزکے پھیلاو کے اسباب اور ذمہ داروں کا تعین کرنے کی ہدایت کرتے ہوئے مرض کے رسک سے بچاو کیلئے موثر اور ٹھوس اقدامات کا حکم بھی دیا۔

مریم نواز نے ایڈز سے متاثرہ بچوں کے مکمل فری علاج کی ہدایت کرتے ہوئے کہا کہ ایڈز سے متاثرہ بچوں کے علاج میں کوئی کمی یا کوتاہی برادشت نہیں کی جائے گی۔یاد رہے کہ اس سے قبل وزیراعلیٰ پنجاب مریم نوازشریف نے سرکاری ہسپتالوں کے واجبات کی فوری ادائیگی کا حکم دیاتھا۔وزیراعلیٰ پنجاب مریم نواز نے تمام سرکاری ہسپتالوں میں مریم نواز شکایات کاونٹر فعال اور نمایاں کرنے کی بھی ہدایت کی گئی تھی۔

وزیراعلیٰ مریم نوازشریف کی ہدایت پر مریضوں کو کال کر کے فیڈ بیک بھی لیا جائے گا۔وزیراعلیٰ پنجاب مریم نوازشریف نے مفت ادویات کی فراہمی یقینی بنانے کیلئے اقدامات کی ہدایت کرتے ہوئے کہا کہ ہر سرکاری ہسپتالوں میں دستیاب ادویات لسٹ آویزاں کی جائیں۔ انہوں نے دستیاب میڈیسن لسٹ کیلئے الیکٹرانک بورڈ نصب کرنے کا بھی حکم دیاتھا۔