نیشنل ہائی ویز اینڈ موٹر وے پولیس کی عید کے موقع پر ٹریول ایڈوائزری جاری ، دوران سفر احتیاطی تدابیراختیار کر نے کی ہدایت کی

جمعہ 28 مارچ 2025 15:31

اسلام آباد(اُردو پوائنٹ اخبارتازہ ترین - این این آئی۔ 28 مارچ2025ء)نیشنل ہائی ویز اینڈ موٹر وے پولیس نے عید کے موقع پر ٹریول ایڈوائزری جاری کردی۔

(جاری ہے)

ترجمان موٹر وے پولیس کی طرف سے جاری سفری ایڈوائزری میں کہا گیا کہ عید کے موقع پر لوگ اپنے آبائی علاقوں کی جانب سفر کرتے ہیں اور ٹریفک کا بہاؤ بڑھ جاتا ہے،چند احتیاطی تدابیر اپناتے ہوئے اپنا سفر محفوظ اور آرام دہ بنائیں،سفر شروع کرنے سے پہلے گاڑی کا انجن ائل، پانی، ٹائر پریشر اور بریک چیک کر لیں،دوران ڈرائیونگ سیٹ بیلٹ کا استعمال حد رفتار کی پابندی، اگلی گاڑی سے محفوظ فاصلہ اور لین اور لائن کی پاسداری کریں۔

ایڈوائزری میں کہاگیاکہ لمبے سفر سے پہلے ڈرائیور مکمل فریش ہونا اور دو سے ڈھائی گھنٹے کی ڈرائیونگ کے بعد کچھ وقت آرام کرنا ضروری ہے،نیند یا غنودگی کی حالت میں ہرگز ڈرائیو نہ کریں۔مسافر بردار گاڑیوں میں سفر کرنے والے اوورلوڈنگ اور اوور چارجنگ کی شکایت موٹروے پولیس کی ہیلپ لائن پر کر سکتے ہیں، کسی بھی مدد کی صورت میں موٹروے پولیس ہیلپ لائن 130 پر رابطہ کیا جا سکتا ہے۔نیشنل ہائی ویز اینڈ موٹروے پولیس اپ کی مدد اور محفوظ سفر کیلئے ہر دم تیار ہے۔