وزیراعلیٰ مریم نوازشریف کا ایڈز کے رسک پرموجود پاپولیشن کے بچائو کیلئے مؤثر اور ٹھوس اقدامات کا حکم

جمعہ 28 مارچ 2025 17:59

لاہور(اُردو پوائنٹ اخبارتازہ ترین - این این آئی۔ 28 مارچ2025ء) وزیراعلیٰ پنجاب مریم نوازشریف نے ایڈز کے رسک پر موجود پاپولیشن کے بچائو کے لئے مؤثر اور ٹھوس اقدامات کا حکم دیا ہے۔ وزیراعلیٰ مریم نواز شریف کی زیر صدارت خصوصی اجلاس منعقد ہوا جس میں تحصیل تونسہ کے علاقے میں مبینہ طورپر ایڈز پھیلنے کے اسباب کا جائزہ لیا گیا۔ وزیراعلیٰ مریم نوازشریف نے تحصیل تونسہ میں ایڈزکے سدباب کے لئے آپریشنل پلان طلب کرلیا۔

وزیراعلیٰ مریم نوازشریف نے ایڈز کے پھیلائو کے اسباب اور ذمہ داروں کا تعین کرنے کی ہدایت کی۔ اجلاس میں یونیسف،ڈبلیو ایچ اواورمحکمہ ہیلتھ پنجاب کا جوائنٹ مشن قائم کرنے کا فیصلہ کیا گیا۔ ایڈز کے سدباب کیلئے جوائنٹ مشن7تا14اپریل متاثرہ بچوں کی ہسٹری ٹریسنگ کرے گا۔

(جاری ہے)

جوائنٹ مشن ایڈزکنٹر ول اوربچاؤ کیلئے وزیراعلی مریم نوازشریف کو تجاویز پیش کرے گا۔

وزیراعلیٰ مریم نوازشریف کی ہدایت پر متاثرہ علاقوں میں ہاؤس ہولڈ سکریننگ بھی کی جائے گی۔ وزیراعلیٰ کی ہدایت پر تونسہ تحصیل ہیڈکوارٹر ہسپتال اوردیگر طبی مراکز میں ایڈ ز کے علاج کیلئے خصوصی مراکز قائم کر دیئے گئے۔ وزیراعلیٰ مریم نوازشریف نے ایڈز سے متاثرہ بچوں کے مکمل فری علاج کی ہدایت کی اور کہا کہ ایڈز سے متاثرہ بچوں کے علاج میں کوئی کمی یا کوتاہی برادشت نہیں کی جائے گی۔