سرگودھا کے علما و مشائخ نے آخری عشرہ رمضان، عیدالفطر اور لیلتہ القدر کی فضیلت بیا ن کی

سرگودھا(اُردو پوائنٹ اخبارتازہ ترین - این این آئی۔ 28 مارچ2025ء)سرگودھا کے علما و مشائخ نے آخری عشرہ رمضان، عیدالفطر اور لیلتہ القدر کی فضیلت اور اللہ تعالی کے انعامات کو اہل کے لئے تحفہ اور راہنجات قرار دیتے ہوئے کہا کہ اگر اسلامی تعلیمات کو مشعل راہ بنا کر اللہ تعالی کی رسی کو مضبوطی سے تھام لیں تو روز محشر شفاعت کے حقدار ہونگے۔انہوں نے دہشت گردی، مہنگائی، سودی نظام،بلا جواز ٹیکسوں کے خاتمہ پر زور دیتے ہوئے کہا کہ ملک میں قیام امن کے لئے پوری قوم افواج پاکستان اور اداروں کے شانہ بشانہ ہے۔

زرائع کے مطابق جمعیت اشاعت اہلسنت والسنہ کے صوبائی نائب امیر علامہ محمد عطا اللہ بندیالوی، مرکزی جمعیت اہلحدیث پنجاب کے سرپرست اعلی علامہ سید محمد سبطین شاہ نقوی، انٹرنیشنل ختم نبوت پنجاب کے صدر قاری احمد علی نریم، قومی امن کمیٹی برائے بین المذاہب ہم آہنگی کے ضلعی صدرمفتی شاہد مسعود،چیئرمین حافظ وقاص قاسمی،مرکزی اتحاد العلما کیضلعی جنرل سیکرٹری مولانا ملک ضیا الحق،ضلعی سیکرٹری اطلاعات شیخ نعیم طاہر، ضلعی کنونئیر قاری عبدالوحید،متحدہ علما کونسل کے قاری وقار احمد عثمانی ،امیر افضل اعوان، مسجد رابعہ کے خطیب پروفیسر مولانا فضل الحق بندیالوی،مسجد حامد علی شاہ کے مولانا نگاہ مصطفے چشتی،جامع مسجد شمشیر ٹان کے خطیب مولانا انعام اللہ جلالی اوردیگر علما و مشائخ نے آخری عشرہ رمضان،عیدالفطر، لیلتہ القدر کی عظمت اور اللہ تعالی کے انعامات کو اہل مسلم کے لئے تحفہ اور راہ نجات قرار دیتے ہوئے کہا کہ اگر اسلامی تعلیمات کو مشعل راہ بنا کر اللہ تعالی کی رسی کو مضبوطی سے تھام لیں تو روز محشر شفاعت کے حقدار ہونگے انہوں نے تحفظ ناموس رسالت اور عظمت صحابہ آرڈیننس پر سختی سے عمل درآمد کو یقینی بنانے اور قران وسنت کے تابع نظام شریعت کے فل الفور نفاذ کے لئے قانون سازی اورملک سے دہشتگردی، مہنگائی، سودی نظام اور ٹیکسوں کے خاتمہ پر زور دیتے ہوئے کہا کہ توحید و سنت کے پرچار کے ساتھ غیر اسلامی رسومات کو ترک کر کے نونہالان وطن کو دنیاوی تعلیم کے ساتھ دینی تعلیم کی طرف راغب کر کے کیا جائے تو ہم دنیا و آخرت میں کامیاب و کامران ہونگے۔

(جاری ہے)

علما نے کہا کہ ملک سے دہشتگردی کیخاتمہ کے لئے پوری قوم افواج پاکستان اور اداروں کے شانہ بشانہ کھڑی ہے۔اس موقع پر ملک میں امن وامان اور بھائی چارے کے ساتھ اسلام کی سربلندی، ملک کی سلامتی، فلطسین و کشمیر کی آزادی اورامت مسلمہ و شہیدا کے لئے خصوصی دعا کی گئی۔