ڈیرہ غازی خان، سرحدی چیک پوسٹ پر دہشت گردوں کا ایک اور حملہ ناکام

ہفتہ 29 مارچ 2025 19:28

ڈیرہ غازی خان (اُردو پوائنٹ اخبارتازہ ترین - این این آئی۔ 29 مارچ2025ء)ڈیرہ غازی خان پولیس نے چوکی پر خارجی دہشت گردوں کا ایک اور حملہ ناکام بنادیا اور جوابی کارروائی میں ایک دہشت گرد ہلاک ہوگیا۔ترجمان پنجاب پولیس کے مطابق خیبرپختونخوا بارڈر پر واقع سرحدی چوکی لکھانی پر 20 سے 25 دہشت گرد حملہ آور ہوئے۔دہشت گردوں نے مارٹر گولوں، راکٹ لانچرز کا بے دریغ استعمال کیا۔

(جاری ہے)

دہشت گردوں کی جانب سے اسنائپر رائفلز اور دیگر بھاری اسلحے کا بھی استعمال کیا گیا۔پولیس، ایلیٹ فورس اور ایس او یو کے جوانوں کی بھرپور جوابی کارروائی سے دہشت گرد پسپا ہونے پر مجبو ہوگئے۔جوابی کارروائی سے ایک دہشت گرد ہلاک ہوگیا جبکہ متعدد کے زخمی ہونے کی اطلاعات ہیں۔دہشت گردوں کے حملے کے دوران پولیس کے تمام جوان محفوظ رہے۔آئی جی پنجاب ڈاکٹر عثمان انور نے ڈیرہ غازی خان پولیس کو دہشت گردوں کے خلاف کامیابی پر شاباش اور کارروائیاں جاری رکھنے کا حکم دے دیا۔