دو موٹرسائیکلوں میں تصادم،ایک شخص جاں بحق،4 زخمی،ریسکیو زرائع

منگل 1 اپریل 2025 14:50

مظفرگڑھ (اُردو پوائنٹ اخبارتازہ ترین - اے پی پی۔ 01 اپریل2025ء) لیہ میں دو موٹرسائیکلوں کے درمیان آمنے سامنے سے ٹکر میں ایک نوجوان جاں بحق اور چار افراد شدید زخمی ہو گئے۔

(جاری ہے)

ریسکیو زرائع کے مطابق لیہ کی تحصیل چوک اعظم کے علاقے صابووال کے قریب 2 موٹر سائیکل آپس میں بری طرح سے ٹکرا گئے، حادثے میں 1 نوجوان موقع پر جاں بحق اور 4 شدید زخمی ہو گئے،مرنے والے نوجوان کی شناخت وسیم کے نام سے ہوئی ہے،مرنے والے نوجوان کا تعلق اڈہ صدیق آباد سے بتایا جاتا ہے جبکہ زخمیوں کی شناخت اطہر سعید ، عبدالرحمن ، شہزاد اور محسن کے نام سے ہوئی ہے۔

پولیس کے مطابق حادثے کے شکار نوجوانوں کا تعلق چوک اعظم اور چک نمبر 263 اور 264 ٹی ڈی اے سے ہے ،زخمی اطہر سعید کو تشویشناک حالت میں نشتر ہسپتال منتقل ریفر کر دیا گیا ہے۔عینی شاہدین کے مطابق حادثہ تیز رفتاری کے باعث پیش آیا ہے،ریسکیو 1122 ٹیم نے لاش اور زخمی تحصیل ہیڈکوارٹر ہسپتال چوک اعظم منتقل کر دئیے ہیں۔