تیزرفتار کار کی ٹکر سے موٹرسائیکل سوار ایک بچہ جاں بحق،دوسرا زخمی

منگل 1 اپریل 2025 15:10

مظفرگڑھ (اُردو پوائنٹ اخبارتازہ ترین - اے پی پی۔ 01 اپریل2025ء) تیزرفتار کار کی موٹرسائیکل کو ٹکر سے موٹرسائیکل سوار ایک بچہ جاں بحق اور دوسرا زخمی ہو گیا۔

(جاری ہے)

ریسکیو زرائع کے مطابق لیہ کی تحصیل چوک اعظم میں ملتان روڈ پر ایک تیزرفتار کار نے موٹر سائیکل کو ٹکر مار دی،حادثے کے نتیجہ میںموٹرسائیکل سوار 1 بچہ جاں بحق جبکہ دوسرا شدید زخمی ہو گیا، مرنے والے 9 سالہ بچے کی شناخت محمد عثمان کے نام سے ہوئی ہے،جاں بحق بچے کا تعلق وارڈ نمبر 11 سے ہے زخمی کی ظہیر کے نام سے ہوئی ہے۔

ریسکیو عملہ نے لاش اور زخمی کو تحصیل ہیڈکوارٹر ہسپتال منتقل کر دیا ہے،جہاں زخمی بچے کو طبی امداد دی جا رہی ہے،عینی شاہدین کے مطابق حادثہ کار کی تیزرفتاری اور ڈرائیور کی لاپرواہی کے باعث پیش آیا ہے،کار ڈرائیور موقع سے فرار ہونے میں کامیاب ہو گیا ہے،پولیس نے کار تحویل میں لے کر ضابطے کی کارروائی شروع کر دی ہے۔