پنجاب فوڈ اتھارٹی نے مال روڈ پر معروف ریسٹورنٹ بند کر کے ایکسپائر اشیاء تلف کر دیں

جمعرات 3 اپریل 2025 12:55

لاہور (اُردو پوائنٹ اخبارتازہ ترین - این این آئی۔ 03 اپریل2025ء)پنجاب فوڈ اتھارٹی نے مال روڈ پر معروف ریسٹورنٹ بند کر کے ایکسپائر اشیاء تلف کر دیں ۔ڈی جی فوڈ اتھارٹی عاصم جاوید کے حکم پر فوڈ سیفٹی ٹیموں نے کارروائی کر کے معروف ریسٹورنٹ کے کچن سے ایکسپائر بند اور ڈبل روٹی برآمد کر کے تلف کر دیں ۔

(جاری ہے)

ڈی جی فوڈ اتھارٹی نے بتایا کہ کاکروچ، مکھیوں اور مچھروں کی بھرمار اور صفائی کے ناقص انتظامات پائے گئے، قوانین کے خلاف برتنوں کو نان فوڈ گریڈ سرف سے دھویا جارہا تھا، فوڈ ہینڈلرز کے میڈیکل اور ٹریننگ سرٹیفکیٹس بھی عدم موجود پائے گئے، فریزر کی ناقص صورتحال اور بدبودار ماحول پایا گیا۔

انہوں نے کہا کہ ایکسپائر اشیا کا کھانے میں استعمال مختلف موذی امراض میں مبتلا کر سکتا ہے، لاہوریوں کی صحت کے تحفظ کے لیے بلا تفریق کارروائیاں جاری ہیں، پنجاب میں خوراک کا کاروبار کرنے کے لیے قوانین پر عملدرآمد ضروری ہے ،عوام کی صحت کے ساتھ کھلواڑ کرنے والے عناصر کسی رعایت کے مستحق نہیں ہیں۔