سعودی عرب،قومی عطیہ پلیٹ فارم الاحسان کا پانچواں ایڈیشن

ایک ارب 880 کروڑ ریال کے عطیات جمع کرلئے گئے،عرب ٹی وی

جمعرات 3 اپریل 2025 13:10

ریاض(اُردو پوائنٹ اخبارتازہ ترین - این این آئی۔ 03 اپریل2025ء)سعودی عرب کے قومی عطیہ پلیٹ فارم الاحسان کے ذریعے عطیہ مہم کے پانچویں ایڈیشن میں ایک ارب 80 کروڑ ریال جمع کیے گئے،رمضان المبارک کے دوران 19 ملین ریال سے زائد عطیات کی وصولی ہوئی۔

(جاری ہے)

عرب ٹی وی کے مطابق نیشنل چیرٹی پلیٹ فارم الاحسان کے پانچویں ایڈیشن کا آغاز خادم الحرمین الشریفین شاہ سلمان بن عبدالعزیز اور ولی عہد محمد بن سلمان کی جانب سے 70 ملین ریال کا عطیہ سے کیا گیا تھا۔

مملکت کی اعلی قیادت کی جانب سے عطیہ مہم کے پانچویں ایڈیشن کو شروع کرتے ہی تمام شہروں سے لوگوں نے احسان پلیٹ فارم کے اکائونٹ میں عطیات ارسال کرنے کا آغاز کیا،رمضان المبارک کے دوران فطرانہ وصول کرنے کے لیے بھی الاحسان پلیٹ فارم پر سہولت فراہم کی گئی تھی جس کے ذریعے امسال 2.2 ملین ریال فطرانے کی مد میں جمع ہوئے ۔