سانگھڑ، سنجھورو بلاک چک 2-2کنویں سے تیل و گیس کی پیداوار بحال

جدید ٹیکنالوجی کے استعمال سے تیل و گیس کی پیداوار میں اضافہ ممکن ہوا، او جی ڈی سی ایل

جمعرات 3 اپریل 2025 18:46

اسلام آباد (اُردو پوائنٹ اخبارتازہ ترین - این این آئی۔ 03 اپریل2025ء)سانگھڑ میں واقع سنجھورو بلاک چک 2-2کنویں سے پیداوار بحال کر دی گئی۔ترجمان او جی ڈی سی ایل کی جانب سے جاری بیان کے مطابق چک 2-2کنویں سے 115بیرل یومیہ خام تیل، 70لاکھ مکعب فٹ یومیہ گیس اور 21میٹرک ٹن یومیہ ایل پی جی کی پیداوار حاصل ہو رہی ہے۔

(جاری ہے)

ترجمان او جی ڈی سی ایل نے کہا کہ چک 2-2کنویں سے حاصل شدہ گیس کوایس ایس جی سی ایل نیٹ ورک میں شامل کر دیا گیا، جدید ٹیکنالوجی کے استعمال سے تیل و گیس کی پیداوار میں اضافہ ممکن ہوا۔

انہوں نے کہا کہ او جی ڈی سی ایل بطور آپریٹرچک 2-2کنویں میں 62.50فیصد، جی ایچ پی ایل22.50فیصد جبکہ اورینٹ پیٹرولیم 15فیصدکی حصہ دار ہیں۔انہوں نے کہا کہ چک 2-2کنویں کی بحالی اور پیداوار میں اضافہ او جی ڈی سی ایل کی توانائی کے شعبے میں ایک اور سنگ میل ہے۔