پنجاب میں شدید گرمی؛ بارش سے متعلق محکمہ موسمیات نے پیش گوئی کردی

موسم کے گرم ہوتے ہی پنکھوں کے ساتھ ایئر کنڈیشنز کا استعمال شروع

جمعرات 3 اپریل 2025 19:54

لاہور (اُردو پوائنٹ اخبارتازہ ترین - آن لائن۔ 03 اپریل2025ء) پنجاب میں گرمی کی شدت میں بتدریج اضافہ ہو رہا ہے جب کہ محکمہ موسمیات نے بارش سے متعلق پیش گوئی کردی۔

(جاری ہے)

محکمہ موسمیات کے مطابق لاہور سمیت پنجاب بھر میں گرم اور خشک موسم کا سلسلہ جاری ہے اور موسم کے خشک ہونے کی وجہ سے گرمی کی شدت میں مسلسل اضافہ ہو رہا ہے۔ موسم کے گرم ہوتے ہی گھروں اور دفاتر میں پنکھوں کے ساتھ ایئر کنڈیشنز کا استعمال شروع کردیا گیا ہے۔ محکمہ موسمیات کے مطابق گزشتہ روز لاہور میں کم سے کم درجہ حرارت 19ڈگری ریکارڈ کیا گیا، آئندہ دو تین روز تک بارش کا کوئی امکان نہیں جس کی وجہ سے موسم گرم ہی رہے گا۔