ملک کے بیشتر علاقوں میں موسم گرم اور خشک رہنے کا امکان

جمعہ 4 اپریل 2025 18:32

اسلام آباد (اُردو پوائنٹ اخبارتازہ ترین - اے پی پی۔ 04 اپریل2025ء) آئندہ چوبیس گھنٹوں کے دوران ملک کے بیشتر علاقوں میں موسم گرم اور خشک رہنے کا امکان ہے جبکہ آئندہ 2 سے 3 روز کے دوران صوبہ سندھ اور جنوبی پنجاب میں دن کے درجہ حرارت معمول سے 2 تا 4 ڈگری سینٹی گریڈ زیادہ رہنے کی توقع ہے۔

(جاری ہے)

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں مو سم خشک جبکہ میدانی علاقوں میں گرم رہا تاہم بالائی خیبر پختونخوا میں چند مقامات پر ہلکی بارش/بونداباندی ہوئی۔

سب سے زیادہ بارش دیر اور کالام میں ایک ملی میٹر ریکارڈ کی گئی۔جمعہ کو ریکارڈ کئے گئے زیادہ سے زیادہ درجہ حرارت کے اعدادوشمار کے مطابق مٹھی میں درجہ حرارت 43، تربت 42، لسبیلہ، چھور 41 اور نوکنڈی میں 40 ڈگری سینٹی گریڈ ریکارڈ کیا گیا ہے۔

Facebook Twitter Google + Share on Whatsapp

ملک کے بیشتر علاقوں میں موسم گرم اور خشک رہنے کا امکان

متعلقہ عنوان :

مزید موسم کی خبریں