قوم کو 15 روپے فی یونٹ بجلی دینے والا پابند سلاسل ہے‘ بیرسٹر سیف

جمعہ 4 اپریل 2025 23:17

پشاور(اُردو پوائنٹ اخبارتازہ ترین - این این آئی۔ 04 اپریل2025ء)مشیر اطلاعات خیبرپختونخوا ہ بیرسٹر ڈاکٹر سیف نے کہا ہے کہ قوم کو 15روپے فی یونٹ بجلی دینے والا آج پابند سلاسل ہے جبکہ40روپے فی یونٹ بجلی دینے والے عیش وعشرت کر رہے ہیں، بانی پی ٹی آئی کا دوسرا جرم 150روپے فی لیٹر پٹرول تھا جسے 300روپے پر پہنچایا گیا۔

(جاری ہے)

اپنے بیان میں انہوں نے کہا کہ قوم کو 7روپے کے ریلیف پر ٹرخانے والے یہ بتائیں کہ قیمتیں کیوں عوام کی دسترس سے باہر کیں ۔

انہوںنے کہا کہ عالمی منڈی میں خام تیل کی قیمت میں مزید 7فیصد کمی آئی ہے، اس کا کوئی فائدہ عوام تک نہیں پہنچ رہا، عالمی منڈی کے حساب سے پٹرول کی قیمت فی لیٹر 100روپیسے بھی کم ہونی چاہیے۔انہوں نے کہا کہ جعلی ریلیف دینے کے بجائے عوام کو اصلی ریلیف فراہم کریں۔