۷ذوالفقار علی بھٹو کی 46ویں برسی کے موقع پرچوہدری کامران یوسف گھمن کے تحصیل آفس الیاس گارڈن میں دعائیہ تقریب

ہفتہ 5 اپریل 2025 18:26

بورے والا(اُردو پوائنٹ اخبارتازہ ترین - آن لائن۔ 05 اپریل2025ء)پیپلز پارٹی کے بانی چیئرمین سابق وزیراعظم شہید ذوالفقار علی بھٹو کی 46ویں برسی کے موقع پر پیپلز پارٹی تحصیل بوریوالا کے صدر چوہدری کامران یوسف گھمن کے تحصیل آفس الیاس گارڈن میں دعائیہ تقریب ہوئی جس سے خطاب کرتے ہوئے سینئر نائب چوہدری صدر نعمان رشید آرائیں،فاطمہ چوہدری پروفیسر محمد امجد، چوہدری غلام حیدر جٹ،چوہدری عبدالستار آرائیں،ڈاکٹر صفدر آکاش اور مرزا محبوب ربانی اور دیگر نے کہا کہ پیپلز پارٹی کیبانی چیئرمین شہید ذوالفقار علی بھٹو کی ملک اور قوم کے لیے خدمات اور ملک کی تعمیر وترقی اور دفاع کے لیے کئے گئے اقدامات کو سہنری حرف میں لکھا جائے گا انہوں ملک کو 1973کا متفقہ آئین دیا ملک کو ناقابل تسخیر بنانے کے لیے ایٹمی پروگرام کا آغاز کیا ملک میں اسلامی سربراہی کانفرنس کا لاہور میں انعقاد کیا جس میں دنیائے اسلام کے بڑے بڑے رہنماؤں نے شرکت کی غریب اور پسماندہ طبقات کی بہتری کے لیے بھرپور اقدامات کیے شہید ذوالفقار علی بھٹو نے اپنی زندگی کے آخری سانس تک آمریت کے خلاف اور جمہوریت کی بحالی کے لیے جدوجہد کی یہی وجہ ہے کہ وہ آج بھی کروڑوں دلوں میں ڑندہ ہیں تقریب میں شہید ذوالفقار علی بھٹو،محترمہ بے نظیر بھٹو شہید اور ان کے خاندان کے دیگر شہداء کی ارواح کیایصال ثواب کے لئے فاتحہ خوانی کی گئی۔

(جاری ہے)