Live Updates

ْبشری بی بی، علیمہ خان سمیت دیگر شخصیات دھڑوں کی سرپرستی کررہی ہیں، سینئر قیادت کا انکشاف

ْسینئر قیادت کا دھڑے بندی ختم کروانے کیلئے عمران خان سے رابطے اور جیل میں ملاقات کا فیصلہ

اتوار 6 اپریل 2025 20:50

ْبشری بی بی، علیمہ خان سمیت دیگر شخصیات دھڑوں کی سرپرستی کررہی ہیں، ..

پشاور (اُردو پوائنٹ اخبارتازہ ترین - این این آئی۔ 06 اپریل2025ء)پی ٹی آئی سینئر قیادت نے پارٹی میں دھڑے بندی ختم کروانے کیلئے عمران خان سے رابطے کا فیصلہ کرتے ہوئے انکشاف کیا ہے کہ دھڑوں کی سرپرستی بشری بی بی، علیمہ خان سمیت دیگر شخصیات کررہی ہیں۔پی ٹی آئی ذرائع کے مطابق سینئر قیادت نے کہا کہ مذکورہ شخصیات کی سرپرستی کی وجہ سے پارٹی تقسیم کا شکارہورہی ہے، یہ پارٹی صرف اور صرف بانی پی ٹی آئی کے نام پر قائم اور ان کے احکامات کے تحت ہی چل رہی ہے۔

(جاری ہے)

ذرائع کے مطابق بانی پی ٹی آئی سے درخواست کی جائے گی کہ مخصوص کمیٹی کا اعلان کیا جائے اور ان ہی کے ذریعے پارٹی رہنمائوں اور ورکروں تک ہدایات پہنچائی جائیں، مختلف رہنمائوں کے ذریعے آنے والے پیغامات سے انتشار پیداہورہا ہے۔ذرائع کے مطابق سینئر قیادت عمران خان کے سامنے معاملہ اٹھائے گی کہ جورہنماء مختلف گروپوں کی سرپرستی کررہے ہیں انھیں ایسا کرنے سے روکا جائے اور ان کے خلاف کارروائی کی جائے۔ذرائع کے مطابق بانی پی ٹی آئی نے ایکشن نہ لیاتو اختلافات کم ہونے کی بجائے بڑھتے رہیں گے، معاملہ جلد بانی پی ٹی آئی کو ملاقات کرتے ہوئے پیش کیا جائے گا۔