رواں ماہ درجہ حرارت میں اضافے اور بارشوں کا الرٹ جاری

لاہور، قصور، سیالکوٹ، نارووال، اوکاڑہ، فیصل آباد، ٹوبہ ٹیک سنگھ، جھنگ، خوشاب، سرگودھا اور میانوالی میں آندھی و بارشوں کے امکانات

منگل 8 اپریل 2025 13:53

لاہور(اُردو پوائنٹ اخبارتازہ ترین - این این آئی۔ 08 اپریل2025ء) پی ڈی ایم اے پنجاب نے رواں ماہ درجہ حرارت میں اضافے اور بارشوں کا الرٹ جاری کر دیا۔ترجمان پی ڈی ایم اے کا کہنا ہے کہ آج سے 11 اپریل تک پنجاب کے بیشتر اضلاع میں گرد آلود ہوائیں و گرج چمک کیساتھ بارش ہو سکتی ہے۔پی ڈی ایم اے کے مطابق لاہور، قصور، سیالکوٹ، نارووال، اوکاڑہ، فیصل آباد، ٹوبہ ٹیک سنگھ، جھنگ، خوشاب، سرگودھا اور میانوالی میں آندھی و بارشوں کے امکانات ہیں۔

(جاری ہے)

دوسری جانب درجہ حرارت میں نمایاں اصافہ ہونے لگا، آج کم سے کم درجہ حرارت 23 جبکہ زیادہ سے زیادہ 37 ڈگری سینٹی گریڈ تک جانے کا امکان ہے جبکہ شہر کا موجودہ درجہ حرارت 28 ڈگری سینٹی گریڈ ریکارڈ کیا گیا ہے، ہوا میں نمی کا تناسب 55 فیصد تک جا پہنچا ہے۔محکمہ موسمیات کے اعداد وشمار کے مطابق ہوا کی رفتار 8 کلو میٹر فی گھنٹہ ریکارڈ کی گئی ہے۔ڈی جی پی ڈی ایم اے کا کہنا ہے کہ رواں ماہ درجہ حرارت 4 سے 7 ڈگری تک معمول سے بڑھنے کے امکانات ہیں جس سے پنجاب کے میدانی علاقوں میں گرمی کی شدت میں اضافہ ہوگا، وزیر اعلیٰ پنجاب کی ہدایت کے مطابق ضلعی انتظامیہ کو الرٹ جاری کر دیا ہے۔