میرے کہنے پر گورنر ٹیسوری نے بالآخر وزیرِ اعظم کو خط لکھ دیا‘مرتضیٰ وہاب

گورنر کا جو اختیار ہے وہ گورنر اقدامات کریں اور آئینی طور پر جو حکومت کا اختیار ہے وہ حکومت کرے‘گفتگو

منگل 8 اپریل 2025 15:49

میرے کہنے پر گورنر ٹیسوری نے بالآخر وزیرِ اعظم کو خط لکھ دیا‘مرتضیٰ ..

کراچی (اُردو پوائنٹ اخبارتازہ ترین - این این آئی۔ 08 اپریل2025ء)میئر کراچی مرتضیٰ وہاب نے کہا ہے کہ میرے کہنے پر گورنر کامران ٹیسوری نے بالآخر وزیرِ اعظم شہباز شریف کو خط لکھ دیا۔کراچی میں سندھ ہائی کورٹ کے باہر میڈیا سے گفتگو کرتے ہوئے مرتضیٰ وہاب نے کہا کہ میں شکر گزار ہوں کہ گورنر نے خط لکھا ہے لیکن ابھی آدھا کام ہوا ہے۔

(جاری ہے)

انہوں نے کہا کہ گورنر صاحب میرے بھائی ہیں، میرا ان سے ذاتی تعلق ہے۔

میئر کراچی کا کہنا ہے کہ ہمیں ہمیشہ قانون کو فوقیت دینی چاہیے، آئینی اور قانونی اعتبار سے گورنر کا جو اختیار ہے وہ گورنر اقدامات کریں اور آئینی طور پر جو حکومت کا اختیار ہے وہ حکومت کرے۔انہوں نے کہا کہ گورنر صاحب کہتے ہیں کہ وہ وفاق کے نمائندے ہیں اور وفاق سے اختیار لے کر دے سکتے ہیں، میں نے ان کے کہنے پر ہی ان سے بات کی تھی، میری بات کو ناراضی نہ سمجھا جائے۔