پشاور ہائیکورٹ نے سابق وزیراعلیٰ محمود خان سے سکیورٹی واپس لینے کے خلاف درخواست پر صوبائی حکومت سے رپورٹ طلب کرلی

بدھ 9 اپریل 2025 17:35

پشاور (اُردو پوائنٹ اخبارتازہ ترین - اے پی پی۔ 09 اپریل2025ء) پشاور ہائیکورٹ نے سابق وزیراعلیٰ محمود خان سے سکیورٹی واپس لینے کے خلاف درخواست پر صوبائی حکومت سے رپورٹ طلب کرلی ۔پشاور ہائیکورٹ نے جج جسٹس صاحبزادہ اسد اللہ اور جسٹس اورنگزیب نے سابق وزیراعلیٰ محمود خان سے سکیورٹی واپس لینے کے لئے دائر درخواست پر سماعت کی ۔

(جاری ہے)

درخواست کے وکیل نے عدالت کو بتایا کہ صوبائی حکومت نے سابق وزیراعلیٰ محمود خان سے سکیورٹی واپس لی ہے ۔وکیل نے بتایا کہ عدالت نے پہلے جواب طلب کیا تھا جس پر جمع کرایا گیا جواب نگران حکومت کا ہے اس کیس میں موجودہ حکومت سے بھی جواب طلب کیا جائےعدالت نے موجودہ صوبائی حکومت سے معاملے رپورٹ طلب کرتے ہوئے سماعت ملتوی کردی ۔