جے آئی ٹی میں پیش نہ ہونے پر پی ٹی آئی کے 20 رہنماؤں کے وارنٹ گرفتاری جاری کرنے کا فیصلہ

بدھ 9 اپریل 2025 21:50

اسلام آباد(اُردو پوائنٹ اخبارتازہ ترین - آن لائن۔ 09 اپریل2025ء)جے آئی ٹی میں سوشل میڈیا پر منفی پروپیگنڈے کی تحقیقات جاری ہے اورپی ٹی آئی کے 20 رہنماؤں کے وارنٹ گرفتاری جاری کرنے کا فیصلہ کرلیاہے ۔باخبر ذرائع کے مطابق پی ٹی آئی رہنما متعدد نوٹس کے باوجود جے آئی ٹی میں پیش نہ ہوئے جس پر تحقیقات میں تعاون نہ کرنے پر وارنٹ جاری کرنے کا فیصلہ کیا گیا۔

(جاری ہے)

ذرائع کے مطابق ان رہنماؤں میں وقاص اکرم،حماد اظہر،زلفی بخاری،عون عباس‘میاں اسلم،فردوس شمیم،تیمور سلیم، جبران الیاس کے نام بھی شامل ہیں جبکہ خالد خورشید،شہباز گل، اظہر مشوانی اور دیگر کے بھی وارنٹ جاری ہوں گے۔پولیس ذرائع کے مطابق جے آئی ٹی نے پی ٹی آئی رہنماؤں کو پیشی کے متعدد نوٹس بھیجے تھے‘تمام رہنماؤں کی رہائش گاہوں پر نوٹسز کی تعمیل کروائی گئی،بیرسٹر گوہر، شبلی فراز،علیمہ خان سمیت دیگر رہنما جے آئی ٹی میں پیش ہوچکے۔پی ٹی آئی رہنماؤں کیخلاف ریاست مخالف پروپیگنڈے کی تحقیقات کی جا رہی ہیں۔تحقیقات کے لئے آئی جی اسلام آباد کی سربراہی میں جے آئی ٹی تشکیل دی گئی تھی۔جے آئی ٹی پیکا ایکٹ 2016 کے سیکشن 30 کے تحت تشکیل دی گئی تھی۔