Live Updates

عمران خان نے نام لے کر کہا کہ ملک کی خاطر اسٹیبلشمنٹ سے رابطہ کریں

بانی نے کہا وعدہ کرتا ہوں کہ کوئی انتقام نہیں لوں گا میرا ملک ڈوب رہا ہے، آج میں نے اسٹیبلشمنٹ سے بات چیت شروع کردی ہے، میرا کام نیک نیتی سے کوشش کرنا ہے۔ مرکزی رہنماء پی ٹی آئی اعظم خان سواتی

ثنااللہ ناگرہ جمعرات 10 اپریل 2025 21:21

عمران خان نے نام لے کر کہا کہ ملک کی خاطر اسٹیبلشمنٹ سے رابطہ کریں

اسلام آباد ( اردوپوائنٹ اخبار تازہ ترین۔ آئی پی اے ۔ 10 اپریل 2025ء ) پی ٹی آئی کے مرکزی رہنماء اعظم خان سواتی نے کہا ہے کہ عمران خان نے نام لے کر کہا کہ ملک کی خاطر اسٹیبلشمنٹ سے رابطہ کریں ، بانی نے کہا وعدہ کرتا ہوں کہ کوئی انتقام نہیں لوں گا میرا ملک ڈوب رہا ہے،آج میں نے اسٹیبلشمنٹ سے بات چیت شروع کردی ہے، میرا کام نیک نیتی سے کوشش کرنا ہے۔

انہوں نے سماء نیوز کے پروگرام میں گفتگو کرتے ہوئے کہا کہ میری بانی پی ٹی آئی سے عید کے دوسرے روز ملاقات ہوئی، اس کے بعد سے بیراج کھلا کہ میں بانی سے کیوں ملا؟مجھے ٹمبر مافیا کہا گیا۔سب میرے دوست ہیں سب نے میرے لئے آواز اٹھائی، میں اپنے اوپرتنقید کو مثبت لیتا ہوں،میں جس آگ میں کھڑا ہوں، کوئی کھڑا نہیں ہوسکتا۔ گارنٹی سے کہتا ہوں کوئی آدمی عمران خان کے سامنے اس طرح کھڑا نہیں ہوسکتا جیسے میں کھڑا ہوں،عمران خان کا مشن اداروں کو آزاد کرنا ہے اور قانون کی حکمرانی لانی ہے، میرے بارے میں جتنی بات کی گئی وہ سچ نہیں تھا، میں نے نہیں کہا میں جیل میں 11 سو لوگوں کو سنبھال رہا تھا۔

(جاری ہے)

میں نے 2اپریل 2025 کو ملاقات میں اجازت مانگی کہ اسٹیبلشمنٹ سے بات چیت شروع کروں تو عمران خان نے کہا کہ یہ لوگ نہیں مانیں گے، وہ بات چیت نہیں کریں گے ، لیکن میں وعدہ کرتا ہوں کہ ملک کی خاطر میں کوئی انتقام نہیں لوں گا، میرا ملک ڈوب رہا ہے، عمران خان نے نام لے کر کہا کہ ملک کی خاطر اسٹیبلشمنٹ سے رابطہ کریں ،میں کوئی انتقام نہیں لوں گا۔ میں نے اور ایک اینکر نے عمران خان کا صدرعارف علوی پیغام پہنچایا، عارف علوی کے ذریعے آرمی چیف کے دوست کے ساتھ بات چیت کی کوشش کی لیکن کامیاب نہ ہوسکے۔آج میں نے اسٹیبلشمنٹ سے بات چیت شروع کردی ہے، میرا کام نیک نیتی سے کوشش کرنا ہے، اور میں 100فیصد نتائج کیلئے پرامید ہوں۔کارکن ہونے کے ناطے بات چیت کے عمل کو سپورٹ کرتا ہوں۔