Live Updates

خواجہ سلمان رفیق کی زیرصدارت محکمہ داخلہ میں ایس سی سی ایل او کا 26 واں اجلاس

جمعہ 11 اپریل 2025 17:09

لاہور (اُردو پوائنٹ اخبارتازہ ترین - این این آئی۔ 11 اپریل2025ء) صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق کی زیر صدارت محکمہ داخلہ میں ایس سی سی ایل او کا 26 واں اجلاس منعقد ہوا۔اجلاس کے دوران صوبہ بھر کے امن و امان کی تازہ صورتحال کا تفصیلی جائزہ لیا گیا۔سیکرٹری داخلہ پنجاب نے اجلاس کو بریفنگ دی۔اجلاس میں پاکستان سپر لیگ ایڈیشن 10 کے سکیورٹی انتظامات کا حتمی جائزہ لیا گیا۔

غیرقانونی طور پر مقیم افغان باشندوں کی واپسی آپریشن کا جائزہ لیا گیا۔صوبائی وزیر صحت و چیرمین کابینہ کمیٹی برائے امن و امان خواجہ سلمان رفیق نے کہاکہ پی ایس ایل کیلئے غیر معمولی سکیورٹی انتظامات مکمل کئے گئے ہیں۔ آئی سی سی ویمن کرکٹ ورلڈ کپ میچز کیلئے بہترین سکیورٹی انتظامات کئے گئے ہیں۔

(جاری ہے)

خواجہ سلمان رفیق نے کہاکہ میچز و دیگر مواقع پر کرائے کی بجائے مستقل بنیادوں پر کیمرے اور دیگر آلات نصب کئے جائیں۔

محکمہ داخلہ پنجاب اس حوالے سے تمام متعلقہ اداروں سے مکمل کوارڈی نیشن میں ہے۔سکیورٹی اداروں اور انتظامیہ کو تمام وسائل فراہم کردیئے ہیں۔انہوں نے کہاکہ عوام کے جان و مال کا تحفظ ریاست کی اولین ترجیح ہے۔ سیکرٹری داخلہ پنجاب نور الامین مینگل، ایڈیشنل آئی جی پنجاب شہزادہ سلطان، سپیشل سیکرٹری داخلہ فضل الرحمان، سی ٹی ڈی، سپیشل برانچ، پی سی بی اور متعلقہ اداروں کے حکام نے اجلاس میںشرکت کی۔پنجاب بھر سے کمشنرز اور آر پی اوز نے وڈیو لنک کے ذریعے اجلاس میں شرکت کی۔