محکمہ موسمیات نے آئندہ ہفتہ ملک میں گرمی کی لہر کا الرٹ جاری کر دیا

14 اپریل سے ملک کے بیشتر جنوبی علاقہ شدید گرمی کے زیر اثر ہونگے

جمعہ 11 اپریل 2025 22:13

اسلام آبا د(اُردو پوائنٹ اخبارتازہ ترین - آن لائن۔ 11 اپریل2025ء)محکمہ موسمیات نے آئندہ ہفتہ ملک میں گرمی کی لہر کا الرٹ جاری کر دیا،14 اپریل سے ملک کے بیشتر جنوبی علاقہ شدید گرمی کے زیر اثر ہونگے۔ پنجاب سندھ بلوچستان کے جنوبی علاقوں میں 13 سے 18 اپریل کے دوران درجہ حرارت 6 سے 8 ڈگری معمول سے زیادہ ہونگے۔

(جاری ہے)

وسطی و بالائی پنجاب، اسلام آباد، خیبر پختون خواہ میں درجہ حرارت 4 سے 6 ڈگری زیادہ ہونگے۔راتوں کے درجہ حرارت بھی بڑھے ہوئے ہونگے۔شہری دھوپ میں کم نکلیں اور پانی کا زیادہ استعمال کریں۔14 سے 18 اپریل کے دوران جنوبی علاقوں میں برف پگھلنے کی شرح بڑھے گی۔گرد آلود ہوائیں چلنے سے انفراسٹرکچر کو نقصان پہنچ سکتا ہے۔