خیبرپختونخواکے بیشتر اضلاع میں موسم جزوی ابرآلود رہے گا، محکمہ موسمیات

جمعہ 11 اپریل 2025 23:01

پشاور(اُردو پوائنٹ اخبارتازہ ترین - این این آئی۔ 11 اپریل2025ء)خیبرپختونخواکے بیشتر اضلاع میں موسم جزوی ابرآلود رہے گا، صوبے کے بیشتر اضلاع میں آئندہ چوبیس گھنٹوں کے دوران گرج چمک کے ساتھ بارش اور چند ایک مقامات پر ژالہ باری کا مکان ہے۔

(جاری ہے)

محکمہ موسمیات کے مطابق خیبر پختوںخوا کے بیشتر اضلاع میں موسم جزوی ابرآلود رہے گاتاہم صوبے کے جنوبی اضلاع میں دن کے اوقات میں موسم گرم رہنے کا امکان ہے، آئندہ چوبیس گھنٹوں کے دوران چترال،دیر،سوات،شانگلہ،بونیر، مالاکنڈ ،باجوڑ، ایبٹ آباد ، مانسہرہ،ہری پور،بٹگرام،کوہستان ،تورغر،مہمند،خیبر،کرم،اورکزئی میں بھی گرج چمک کے ساتھ بارش اور چند ایک مقامات پر ڑالہ باری کا امکان ہے ،، گذشتہ روز سوات ،دیر،چترال،کوہستان،نوشہرہ،باجوڑاور خیبر میں بارش ہوئی،،سب سے زیادہ بارش چراٹ میں 40 ملی میٹر ریکارڈ ہوئی،،دیر میں 15، مالم جبہ 11،پٹن 10، کالام میں 9 ملی میٹر بارش ہوئی ،پشاور کا کم سے کم درجہ حرارت 21 ڈگری سینٹی گریڈ ریکارڈ،،شہر کا زیادہ سے زیادہ درجہ حرارت 35 ڈگری سینٹی گریڈ تک جانے کا امکان ہے ،، کالام کا درجہ حرارت 7، مالم جبہ 8 اور دیر کا 9 ڈگری سینٹی گریڈ ریکارڈ کیا گیا۔