سرگودھا شہر کے صرافہ بازار میں 90 لاکھ مالیت کی چاندی،سونا اور نقدی چوری کرنیوالے ملزمان گرفتار

اتوار 13 اپریل 2025 15:45

سرگودھا(اُردو پوائنٹ اخبارتازہ ترین - این این آئی۔ 13 اپریل2025ء)سرگودھا شہر کے صرافہ بازار میں 90 لاکھ مالیت کی چاندی،سونا اور نقدی چوری کرنیوالے ملزمان کو پولیس نے گرفتار کر لیا اور مال مسروقہ مالک کے حوالے کر دیا۔ جس پر مدعی مقدمہ نے پولیس ٹیم کی خدمات کو سراہتے ہوئے انہیں ہار پہنائے۔

(جاری ہے)

تفصیلات کے مطابق سرگودھا شہر کے صرافہ بازار میں عید کے ایام میں صراف کی دوکان سے 90 لاکھ روپے کی چاندی،سونا اور نقدی چرا لی گئی جس پر سٹی پولیس نے واردات کا مقدمہ درج کر کے چوری کرنے والے ملزمان کو قاسم پارک میں چھاپہ مار کر گرفتار کر لیا اور مال مسروقہ برآمد کر کے مالک کے حوالے کر دیا جس پر مدعی مقدمہ نے پولیس ٹیم کی خدمات کو سراہتے ہوئے انہیں پھولوں کے ہار پہنائے۔