آواری ٹاور ہوٹل میں کارپوریٹ کمپنیز کے نمائندوں کے اعزاز میں کااستقبالیہ کا انعقاد

آواری ٹاور ہوٹل کی اپ گریڈیشن پر کام شروع کردیا ہے،آنے والے مہمان خاص تبدیلی دیکھیں گے، جنرل منیجر فلپ ڈوسیز

اتوار 13 اپریل 2025 19:10

کراچی (اُردو پوائنٹ اخبارتازہ ترین - این این آئی۔ 13 اپریل2025ء) آواری ٹاور ہوٹل کے جنرل مینجر فلپ ڈوسیز نے کہا ہے کہ ہوٹل کی اپ گریڈیشن پر کام شروع کردیا ہے،آنے والے مہمان خاص تبدیلی دیکھیں گے،کوشش ہے کہ زیادہ سے زیادہ سفارت کار اور ائیرلائنز سربراہ ہوٹل کا دورہ کریں اور ذائقہ دار پکوانوں سے لط اندوز ہوں وہ آواری ٹاور میں کارپوریٹ کمپنیز کے نمائندوں کے اعزاز میں منعقدہ کاکٹیل ایویننگ کے موقع پر خطاب اور میڈیا سے گفتگو کررہے تھے۔

اس موقع پر کارپوریٹ ڈائریکٹر ریونیو تہذیب فاطمہ،ایگزیکٹیو اسسٹنٹ منیجر نوید اشتیاق،ہیڈ آف مارکیٹنگ اینڈ پبلیک ریلیشننگ ذوہا حسین،سفارت کار کارپوریٹ کمپنیز کے نمائندے ہوٹل کے عملے کے افراد و یگر مرد و خواتین حضرات بھی موجود تھے۔

(جاری ہے)

جنرل منیجر نے کہا کہ ہم چاہتے ہیں کہ جدید ٹیکنالوجی کو استعمال کرتے ہوئے ہوٹل میں بہتری لائی جائے۔

ہوٹل کی تذین و آرائش پر خصوصی توجہ ہے ایک سوال پر جنرل منیجر نے کہا کہ ان کا ہوٹل انڈسٹریز میں 43 سال کا تجربہ ہے اور ا س سے قبل وہ 2012 سے 2014 تک دو سال کا عرصہ اسلام آباد میں گزار کر آئے ہیں۔اس کے علاوہ وہ تاجکستان میں بھی خدمات انجام دے چکے ہیں،انہوں نے کہا کہ کراچی آواری ہوٹل میں 16 فلور پر 212 کمرے موجود ہیں جبکہ ملک کے مختلف شہروں میں آواری ہوٹل کے برنچز کی تعداد 11 ہے۔

انہوں نے ایک سوال پر کہا کہ کراچی کے مقابلے میں اسلام آباد دارخلافہ ہونے کے سبب زیادہ ترقی یافتہ ہے،انہوں نے کہا کہ ان کا تعلق فرانس سے ہے اور انہوں نے 1985 میں ہوٹل کا کور س کرکے اپنے کام کا آغاز کیا۔انہوں نے کہا کہ ہوٹل میں مختلف ممالک کے فیسٹیول بھی ہوں گے۔کاکٹیل ایویننگ میں باربی کیو کے علاوہ جاپانیز،پاکستان کی مختلف ڈیشز اور سویٹ ڈیشز رکھی گئی تھیں۔